Priljubljene svetopisemske vrstice iz Epazaazɨ 6

Deli

A'mwera kɨlaa'nakera tawanakerajɨ mala mabwa'nyɨvanɨgo. Aawa. Kurya kayaa'nanyara maremwaaidɨvɨsarajɨ dɨragɨnyarajɨ jɨhɨnya dahaa' yɨmakera Kwaakeva' kayaa'nanyava' maremwaaidɨvɨsarajɨ saraavɨ sɨgunyavɨ kurya kayaa'nanyara mwaaidɨvɨsarajɨ sarajɨ mala bwa'nɨvanɨgo.

Yuya sanna Gotɨyarɨ wɨja ja! Kuryai gɨhaimwadaawojɨ yuyagaa' Gotɨyarɨ dɨragɨnna duthana! Jɨthaangana! Dameigɨ nayaa tɨnna wangadɨ yuyagaa' Naangerɨ yuyanna dɨragɨnna duthana! Yuyagaa' Gotɨyare tewaanyaraavɨna dɨragɨnna jɨthaangana!

Kotɨya Maryadei yawɨ'na “Sai kayaa'nanya kuna yana!” yawɨ'na yojɨ kwaasɨya gyathehaa' dɨragɨnyaigɨ dɨmwaaide'na mwasaabya, pɨnɨ Gotɨyai gɨzaavade yuyajɨyaigɨ dɨragɨnna ja!

Sarevɨ Gotɨyai saabya sasɨ gɨzaavade yuyajɨyaigɨ malya'na maarɨna ja! “Kayaa'nanyagaa' malyagaa' yɨma'nadehaa' yɨkamaangei kanyɨramojɨ dɨragɨnna daavɨma! Mala bwara'mujɨ aayagaa' dɨragɨnna dathɨwagɨma!” da'gɨzɨ maarɨna ja!

Nabaai, Naangerɨ lɨmwadaanyabwi yuna saabya dɨragɨnya' dɨmaryɨvɨla! Yɨkamaangei mwasaagala dɨka nadaawojɨya padaawojɨ gɨmɨre saabya' gɨmarulyakedaavadesɨ. Naangei nevadaihasamaarakebwi mɨnyagɨnyavɨ dɨmwaaihɨ'nana! Gotɨyare yagaalya' Kuryai nejaavake' kwaari'masɨramɨnya' gurɨmaanga yuneba woinɨke' dɨlɨmwana!

Sarevɨdaa'nyɨ malya'na yovɨrawaka'gɨzɨ Romɨyai aawɨlasaibɨsaigɨ gaidaa'na ja! Munnaanya' Nebulya' dɨvadathɨvainana! Yɨda'maraangebwi kɨhɨsavɨ yuna dɨragɨnya'na dɨvaazɨ'ma'nana! Gotɨyare narya'na yagaala tewaanya' yarai wɨdadaanya' sɨvɨlyɨraarɨ dɨvaazɨ'ma'nana!

Yagaala pɨnɨ yɨhɨthɨma! Naangerɨ kuna dɨragɨnna wɨlamwaaida'gɨzɨ gannya dɨragɨnya' gɨzaavada dɨragɨnnakeigɨ gɨmwaaihana!

Dɨnɨke' “Gɨnnya gɨmaamaangelyɨ gwaangesɨ sayore yaya dɨmakɨla!” Kɨwɨnya sa', kɨwɨnya naange', yagaala yune naanga nebulya'na wɨja'ne' kɨnɨnnake' sɨnnawɨnya' dɨnɨkesɨra. Yagaala yune naanga nebula sa' dara dɨnɨ' “Sare'na gɨmɨnyɨna ‘Yuyangɨna tewaanna wima'nana! Kwaaka davakɨ saamɨnyagaa' mwaalana!’ daka gɨthɨwa'.”

Kaimɨraaya kwaigɨ, Naangerɨ wɨlamwaaihɨnya'na gɨmaamaangelyɨ gwaangesɨ sayorɨ dɨmɨdɨna! Sare' dare'nesɨ. Sabwi yɨja' yɨda'nanyasɨ.