Priljubljene svetopisemske vrstice iz Mahte 28

Deli

Haû mù, núngmòq gi, htoq ê luî, byù myû chângjup lé, Ngá é chángzô pé dùt nhâng mù, haû Îwa, Yhang zo, Chyoiyúng Sô é myìng lang luî, wuìmyhup hkám byi mù, núngmòq lé, Ngò hkunmó hkyô tô é lhúnglháng lé châng kut râ matú, yhángmòq lé mhoqshit keq. Ngò gi, mingkan pyàt htûm é hkûn jé shoq lháng, núngmòq eq rahá ru nghut nyî râ nghut lhê.” ga pying tô ri.

Hau htâng, Yesuq gi, yhángmòq chyáng lé lô mù, “Mauhkûng eq myigùng htoq mâ é ahkáng ayá bànshoq, Ngo lé byî to bê nghut lhê.

Haû maumang lagyo gi, myiwe haú nhik lé, “Hkâgyùq kó! Haû tapzîng má jén sat huî é Yesuq lé, núngnhik ho nyì kô é lé, ngò sê lhê. Yhang gi, shí má a nyì lo; Yhang taî tô é eq rajung za, lhoqdui toq é hui bê nghut ri. Yhang lé lheq é jowò lé, lé wú keq.

Haú hkûn, Yesuq gi, yhángnhik lé, “Hkâgyùq kó. Ngá é gu-mang wuì lé, Galile mau shut e ló keq nghû ló taî kyo keq; haú má, yhángmòq, Ngo lé myàng kôrâ nghut lhê.” ga taî kat ri.

Haû hkyangjong agyi pé gi, sûwún wuî eq huî lhum luî, hpyê lhûm é htâng má, haû gyèzô pé lé, ngùn myo myo tsup byi mù, “‘Myín lé, ngá-mòq yhup myhî tô é hkûn, Yhâng é chángzô pé lé lô mù, màng lé, lé hkaû yu ló bekô nghut ri.’ nghû taí keq. Shí hkyô lé, haû mau zau hpó wó gyô é nghut jáng, yhang myìt ngón shoq, ngá-mòq taí râ nghut lhê; haú hkûn, núngmòq gi, hai manghkáng a htoq râ nghut lhê.” ga taî kat ri. Haû mù, gyèzô pé gi, ngùn haú pé lé yù luî, yhángmòq lé taî kat é eq rajung za kut bekô nghut ri. Haû su mù, haú hkyô gi, Yudaq byu pé má taî pyo myhîn ló bê nghut mù, ahkuî jé shoq taî nyi bum akô nghut ri.