Priljubljene svetopisemske vrstice iz Yoane 3

Deli

Maro Kindeni ilo ndo keno panzi tamâta rârâni simo tâno kulu. Mine kala isupwa i natu taituni indue imâ. Mine nde tamâta ea kalo tawana Maro Kindeni Natu, ande Maro Kindeni ma muli izavaru tamâta ŋinde, ande ma tia. Tamâta ŋinde ma imo via ku imo nâ.

Ŋana tu Maro Kindeni ŋandai isupwa i Natu naŋa andue amâ tâno kulu ŋana apare nia panzi tamâta ŋana nenzi kiesaka kâ. Isupwana amâ tu ma akainzi piti lâ kondoma ilo ku via mao alanzi.

Andeta Yesu itu lâ i kawa ku isia ŋgua papa mine tu, “Naŋa aporo mao nâ pano; ambo tamâta toŋge ipâŋga wasaseki ndo, itogo lâlu puro-puro mine, ande tamâta ŋinde ma ikura tu imo Maro Kindeni ne ŋgumbi ilo. Ambo ipâŋga wasaseki mine tia, ande i ma ikura tu imo ŋgumbi ŋinde ilo, ande tia.”

Ambo tamâta toŋge kalo tawana Maro Kindeni Natu, ande Maro Kindeni ma ipare nia papa tamâta ŋinde ŋana i ne kiesaka kâ, ande tia. Taitu noko kuloŋo ŋga; ambo tamâta toŋge kalo tawana tia, ande Maro Kindeni ipa ŋgua marumbu lâ tu ma ipare nia papa ŋana i ne kiesaka kâ, ŋana tu tamâta ŋinde ŋandai kalo tawana Maro Kindeni Natu taituni ŋga.

Maro Kindeni ne vetâŋa ŋinde nde duvi mine: sinâla nde ipâŋga tâno kulu lâ, kala ŋine imo ŋai yo. Andeta kinzi tamâta ilonzi pa sinâla ŋinde, ande tia. Kinzi ilonzi pa kondoma, ŋana tu nenzi vetâŋa nde sakamao ndo.

Maro Kindeni ne pateâŋa ikeno tu Kirisi ŋa ma ipâŋga ŋalae, aŋga naŋa ma apâŋga amo tamâta kaa nâ.

Aku tamâta ea uru iveta vetâŋa sakamao, ande tamâta ŋinde ikai kazâŋa pa sinâla. I ma ilo tu imâ pa sinâla tia, ŋana tu iruru tu sinâla ma isinala i ne vetâŋa sakamao ipâŋga nia yo.

Mine nde tamâta ea kalo tawana Maro Kindeni Natu, ande i ikai via mao, ma imo via mine ku imo nâ. Aŋga tamâta ea ipu muli pa Maro Kindeni Natu, ande i ikai via mao tia. Maro Kindeni ne wisi-nâna ŋalae tina nde ikeno pa tamâta ŋinde.”

Nia ndoyo, Mose ipa mwâta ‘aini’ toŋge lâ kâi toŋge tini, ŋineŋga isuka kâki lâ nia bilimu. Aku mine nâ, kinzi tamâta pinde ma muli sisuka naŋa Tamâta Natu kâki.

Tama Maro Kindeni ilo ndo keno pa Natu, aku walo ilua ŋana ikai Maro pa kelekele ndoni.