Priljubljene svetopisemske vrstice iz Romu 8

Deli

Mo nenge telavusou lexe Lataua mu'oxonu mimii latala muxaxai mupita ne sou u'oxone'i ane'i ane imasaxau ixali laixe. Ane'i ta mitema e Anu mu'avali'a sou imomomosou mii ma'ia ukalusie anu Lataua muxavutala sou u'oxonu ne uxali manina.

Xo eni emuxaxu taleli manina lexe mii vile loxo soli mo mauli, mo ta angelo mo ta uleenu ta masumasua e xavine'i musuku, mo mimii e muxolu vaimomo 'o mo mimii ane uxali ili'i, mo mimii iouiou e xaviinu musuku, mo mimii sou teitexi mo mii no lialia 'o, xe mimii mose'i la muxolu no pa'umenge 'o ne, umomomo sou uxexenenge no anu tanutanuxu noxou Lataua uasisi manina. Tanutanuxu noxousinge ne no anu xaixai noxou Tila noxinge Kalisito Iesusi.

Mo no anu vote'i iouvilesisi aloxo ne, no mine nenge xavinenge uasi la Uleenu Tavuna une'e sou usu'ulinenge. Nenge talavusou mii ma'ia sou takilakasou uasi la Anu usu'ulinenge sou ukilakasou. Anu ukilaka la uvilivolovolonu anaxu la umomomo sou nenge talavusou mii ma'ia e Anu ulelemolu ne uasi.

Ioxe la sou nenge tavikala a loxovaa no anu mii e Lataua mu'oxonu ne? Lexe Lataua uvulu noxinge, la sou 'ena'ei umomomo sou u'oxonu masuanenge.

La sou nenge ane texolu noxou Kalisito Iesu, la nenge tamomomo sou tatulu no anu vaivaikala sou lapuloto uasi.

Lexe itema uxavutala sou umulinu masaxa sou opo teinu la anu usoli, ia itema e xavutalau umulinu masaxa noxou Uleenu Tavuna, la anu uno'u mauli mo opoonu uxolu se'isisi.

Ia aloxo ne uasi, no anu tanutanuxu noxou Kalisito, la mimii ne uxali noxinge a loxovaa ne, ia utotomu ne umomomo sou utaloxolinenge uasi, nenge tauliuli manina.

Eni no anu xavutala noxilo la emaisou aloxo 'o, uala tila mo xoluxolu laixe e tano'u ili'i ne, uxali lamana la ua'ulixu tu'utu'umaxu e nenge taxolu no anu vaimomo 'o.

'Ena'ei umomomo sou uxexenenge no anu tanutanuxu noxou Kalisito 'o? Mo lexe tu'umaxu uxali noxinge, mo lexe tano'u navunavu, mo ta mitema i'oxonu masuanenge, mo tasolinenge mo menge tokolomo uasi, mo mii vile masua uxali sou u'oxonu masuanenge xe 'oto'oto uxali noxinge, la loxovaa, mimii ne umomomo sou uxexenenge no anu tanutanuxu noxou Kalisito? Uasisi manina.

Xo Anu mulavusou tanenge no nano mukalusi ne, Anusisi mulavusou xavutalau Uleenu Tavuna, xo Uleenu Tavuna mumulinu xavutala noxou Lataua la sou ukilakasi'a ta mitema noxou.

Ane'i ane Lataua Uleenu uulaxune'i no anu muamua'ixa'a la ane'i ixali Lataua ta 'olu.

Ane'i ane imuamua'i no anu 'ilixo sou opo teinu, la masaxa noxi'a ne uxolu no anu 'ili'ilixo sou opo teinusi sou imulimulinu. Ia ane'i ane imuamua'i no anu 'ilixo noxou Uleenu Tavuna, la xavutala noxi'a ne sou imulinu masaxa noxou Uleenu Tavunasi.

Anu u'apisou 'Olu uasi, ia mupalusou mune'esi sou musu'ulinenge latala mukalusi. Lexe Anu u'apixu 'Olu uasi ia mulosingesi, la sou Anu umomomo sou u'apisou mii tavu'alo e lexe ulosinge vitanisi kalumo ne a loxovaa?

Uleenu Tavuna nesi usu'ulinu uleenenge, la nenge tavikala ulaa uatu no ananenge lexe nenge Lataua ta 'olu. Vaimomo 'o lexe nenge Lataua ta 'olu, la nenge tamomomo sou tano'u mimii lailaixe ne. Mimii lailaixe ne Kalisito muno'u tei, la nenge kalumo tano'u aloxo Anu ne ili'i. Lexe nenge tano'u tu'utu'umaxu aloxo Anu muno'u ne la sou nenge kalumo tano'u uala tila loxo Anu muno'u ne.

Itema e xavutalau utulu sou umulinu masaxa sou opo teinu, mo utaloxolixu sou umulinu lapuloto noxou Lataua uasi, la anu muxali uluau Lataua.

Xo ta mimii latala e Lataua mukoine'i ne ixomaiou voxo e Lataua musosovosou sou upala'alixa'a ta 'olu ixali lamana ne uxali, la ixolu ne imolomolou tane'i xe iutitiiou voxo ne lexe uxali.

Nenge telavusou lexe mimii latala e Lataua mukoinu ne, muxamulinu navunavu tatila loxo navunavu e sema ixamulinu sou ivo'o keakea. La ane'i latala ne a ixoxolu itatama xe iungaunga mo mune'e muxali vaimomo 'o.