Priljubljene svetopisemske vrstice iz Mattha 28

Deli

Sae gang an mak follaers o aa nations, baptisin thaim ïn tha name o tha Faither an o tha Sinn an o tha Halie Spïrit, taichin thaim tae keep aa tha commauns A hae gien ye. An know thïs: A be wi ye iverie day, ay, tae tha verie enn o time.”

Then Jesus cum tae thaim an saed, “Aa thortie haes bin gien tae me ïn heiven an on irth.

But tha angel saed tae tha weemen, “Dïnnae be feart, fer A ken that ye'r lukkin fer Jesus, that wus crucyfied. He's no here; he's ris, jist as he saed he wud. Cum an see tha place whar he wus layed oot.

Then Jesus saed tae thaim, “Dïnnae be feart. Gae an tell ma brithers tae gae ïntae Galilee, an the'll see me thair.”

An whaniver tha heid preeshts haed gethert thegither wi tha eldèrs, the' collogued amang thairsels, an the' gien tha sodgers a bïg amoont o siller, an the' toul thaim, “Ye'r tae say, ‘Tha follaers o Jesus cum ïn tha nicht an stole hïm awa whan we wur sleepin.’ If tha Guviner hears tell o thïs, we'll taak hïm roon, an keep ye oot o bother.” Sae tha sodgers tuk tha siller an daen as the' wur toul. An thïs storie haes gan roon amang tha Jews tae thïs verie day.