Priljubljene svetopisemske vrstice iz SAN MATEO 27

Deli

Ntá tí hora a chꞌín Jesús itsen kꞌuèya chꞌán, ntáchro chꞌán kíxin: ―Elí, Elí, ¿lama sabactani? ―mé tíhi tꞌaxrjexín kíxin: Itꞌéni, Itꞌéni, ¿nkekuènté kui̱to̱héni? ―mé xi̱kaha ichro chꞌán.

Mé ntá tuénxín kꞌuíchje tí ka tjenkákuènxín nkaxenhen ni̱nko. Mé kꞌuíchje tí ka kꞌóna yaá tí kjuankíxixín noi hasta nonte. La ko kuínkí nonte la ko tí tjo̱ la kja̱xin xitje̱he̱. La ko ó xitje̱he̱ tí tòye̱ tsíxravá chojni la ko ó xechón itsjé tí sín kꞌuékinkáchónki Dios.

Ntá chꞌín Jesús itsen kꞌuíyato chꞌán ínaá, ntá kjuixin ikꞌuén chꞌán.

Ntá tí chꞌín capitán la ko tí sín kꞌuéjóko chꞌán, mé tí sín tꞌayakonhen chꞌín Jesús, na ntá kꞌuíkon sín kuínkí nonte la kaín tí í so nkehe la ntá imá chrakon sín, la ntáchro sín kíxin: ―Chaxín tí nkexro a mé Xje̱en Dios.

Ntá chonkíxin hasta las tres kónjín mé kꞌuíxin tie chjasintajni.

A̱ ntá chꞌín Pilato mé kjuanchankí chꞌán kíxin: ―¿A̱ ntá nkehe si̱tꞌaha̱ tí chꞌín Jesús tí chꞌín nchekꞌinrá Cristo? ―ichro chꞌán. Ntá kaín sín kjuáte̱he sín kíxin: ―¡Tsjakꞌenkáni chꞌán ntacruz! ―ichro sín. Ntá chꞌín Pilato kjuanchankí chꞌán ntáchro chꞌán kíxin: ―¿Xá nkehe tí kjuíchꞌe tí chꞌín i kíxin? ―ichro chꞌán. Ntá a̱ntsí má itsen kꞌuíxite sín, kꞌóyako sín, ntáchro sín kíxin: ―¡Tsjakꞌenkáni chꞌán ntacruz! ―ichro sín.