Priljubljene svetopisemske vrstice iz Mateo 14

Deli

La₁ jme₁ca₂tón'₃ juɨ₅ ca₂jág₃ 'a₂ lia'₂ 'ei₅ tiá₂ dsí₂, ca₂ja₃gó'₃ dsɨ́₅, jaun₂ guë́₄ ca₂rë₃lióg₃ ca₂i₃'óin'₅ jmɨg₂. Ca₂guió'₃ tiá₂, ca₂juá'₂: ―¡Lio₄ jniá₂, Te₁gui'₅₄! Dsɨ₂juɨ₅ jaun₂ ca₂néi'₃ Jesús gu₂, ca₂tɨ́in₂ quió'₅ Pe₄, jaun₂ juá'₂: ―¡'E₂ guë́₄ ca₂juɨg₄ 'én'₂ 'ne₂! ¿'E₂ lë₃ në₂'éi'₂ caun₂-tɨn₃ 'au'₂?

La₁ jme₁ca₂tón'₃ juɨ₅ ca₂jág₃ 'a₂ lia'₂ 'ei₅ tiá₂ dsí₂, ca₂ja₃gó'₃ dsɨ́₅, jaun₂ guë́₄ ca₂rë₃lióg₃ ca₂i₃'óin'₅ jmɨg₂. Ca₂guió'₃ tiá₂, ca₂juá'₂: ―¡Lio₄ jniá₂, Te₁gui'₅₄!

La₁ dsɨ₂juɨ₅ bá₄ ca₂juá'₂ Jesús në́₃: ―¡Dsia₄ 'nia'₂ tiá₂ 'au'₂! ¡Jniá₂ bá₄ la₂; tsá₃ lë₁juɨ́n'₂ 'nia'₂!

Jaun₂ Pe₄ në́₃ ca₂ŋag₃: ―Te₁gui'₅₄, chi₂jua'₂ 'ne₂ në₅, jmo₄ 'éi'₃ a₂nei₅₄ ŋɨ₅₄ ne₄ jmɨg₂ a₂dsióg₄ të₂ ja₁chéng'₄ në₅. ―Ŋia₅ jaun₂ ―ca₂juá'₂. Jaun₂ ca₂sión₃ Pe₄ 'ŋió'₃ tsɨ₁mu₅, ca₂ŋɨ₃ ne₄ jmɨg₂ jme₁ŋó₄ ja₁chén'₄ Jesús.

Jaun₂ i₂jme₁tion'₅₄ 'ŋió'₃ tsɨ₁mu₅ ca₂jmo₃ i₁'áin₃ ne₄ Jesús, ca₂jme₃juag'₂. Jaun₂ ca₂juá'₂: ―Dsón'₂ bá₄ lɨ́ng'₅ Ja₁ŋi'₅₄ Diú₄.

Jaun₂ ca₂ŋag₃ Jesús: ―Tsá₃ tion₅₄; cuë'₅₄ 'nia'₂ dsa₂ guiong'₅₄ a₂guë́'₃. Jaun₂ ca₂ŋag₃ chi'₂ dsɨ₂guia₃-tɨ́n₂: ―Tsá₃ 'e₂ a₂siá'₂ cha₂ ja₁lá₃, jŋia'₅₄ lia'₂ 'ŋiá₂ i₁ŋí'₄ bá₄, quian'₅₄ on₃ i₁ju₁.

Jaun₂ ca₂juá'₂ táng₃ Jesús: ―O₂quian₂ 'nia'₂ ja₁lá₃. Jaun₂ në́₃, ca₂tsɨ́'₃ dsa₂ a₂tiain'₃ ne₄ 'uë₃. Jaun₂ ca₂jŋa'₃ ta₁'ŋiá₂ i₁ŋí'₄ quian'₅₄ le₃on₃ i₁ju₁, jaun₂ ca₂chóg'₃ ne₅₄ guei'₅₄ i₂juɨ́g₃, ca₂cuë́'₃ ti₁'mag'₄ Diú₄. Jaun₂ ca₂dsioin₃ le₂caun₂ le₂caun₂ i₁ŋí'₄, ca₂cuë́'₃ chi'₂ dsɨ₂guia₃-tɨ́n₂. Jaun₂ 'éi₂ guë́₄ në́₃ ca₂dsió'₃ jɨn₄ dsa₂.

Ca₂le₃jɨ́n₃ bá₄ dsa₂ ca₂guë́'₃ ca₂lia'₂ ca₂'ág'₃ dsɨ́₅. Jme₁ca₂lë₃ guë́'₅, jaun₂ ca₂cág'₃ bá₄ guë́₄ guia₃-tɨ́n₂ tsɨ₁mɨ'₂ 'nau₅₄ a₂ca₂chóng₃.