Priljubljene svetopisemske vrstice iz Salmos 31

Deli

Waˊ jë̱ë̱ˉ hohꜘ hnähꜘ hiꜙ waˊ nøhˈ hohꜘ hnähꜘ, läꜙjë̱ë̱ꜙ hi̱ˉ kye̱ˉ oˉjø̱hꜙ dsëˉ kihꜗ DSAˉJØ̱Ø̱Hˈ jnänˋ.

Hneˉ baˊ ñehˊ haˉ läꜙ dsaˉngëënꜘ taꜙ chaˊnëˊ. Lä̱ä̱ˋ jnäꜘ kihꜗ hi̱ˉ naˉhøøhˊ hi̱ˉ cha̱a̱ˈ kaahˋ kinꜙ.

Haˉ ko̱hꜘ saꜙ jʉʉhˉ heˉ lluꜗ hohꜘ heˉ maˉhä̱ä̱hˋ läꜙjë̱ë̱ꜙ hi̱ˉ ga̱hꜙ hneˉ. Hiꜙ toꜙloꜙnëˊ jeeˊ läꜙjë̱ë̱ꜙ dsaˉ maˉmiˉjnäähˈ heˉ lluꜗ hohꜘ kihꜗ läꜙjë̱ë̱ꜙ hi̱ˉ kye̱ˉ oˉjø̱hꜙ dsëˉ kyahꜗ.

Hneˉ DSAˉJØ̱Ø̱Hˈ kya̱a̱nꜙ, ja̱a̱ˉ hneˉ baˊ la̱a̱hˈ oˉjø̱hꜙ dsëˉ kinꜙ. Jnäꜘ jwahnꜙ, hneˉ baˊ la̱a̱hˈ Dio kya̱a̱nꜙ.

Jëëhꜘ hneˉ la̱a̱hꜗ läꜙko̱hꜘ ku̱u̱ˊ hlooˉ heˉ ñiiꜘ. Hneˉ la̱a̱hꜗ hi̱ˉ kye̱ˉ nëˊ kinꜙ läꜙka̱a̱ˉ jeeˊ nɨɨnˋ mahꜗ jmeeꜗ dsaˉ jʉʉhˉ kyahꜗ.

Jaˊgoohˉ hneˉ ngëënˊ jmɨˉlleꜘ kinꜙ. Hneˉ DSAˉJØ̱Ø̱Hˈ kya̱a̱nꜙ hi̱ˉ la̱a̱ꜗ juˈdsooꜘ, maˉlä̱ä̱hˋ jnäꜘ.

Waˊ hnaaꜙ hnähꜘ DSAˉJØ̱Ø̱Hˈ jnänˋ, hnähꜘ hi̱ˉ naˉjngëëˈ kya̱a̱yꜗ. DSAˉJØ̱Ø̱Hˈ jnänˋ hä̱ä̱˜ läꜙjë̱ë̱ꜙ hi̱ˉ miˉte̱hꜗ kiyhꜗ, pero heeyh˜ chaˉmiihˉ wɨɨꜘ läꜙjë̱ë̱ꜙ hi̱ˉ jmää˜ hñiiꜘ ka̱a̱hˊ.

Hneˉ DSAˉJØ̱Ø̱Hˈ kya̱a̱nꜙ, kyahꜗ hneˉ baˊ chaˉ oˉjø̱hꜙ dsëˉ kinꜙ. Ji̱hˊko̱hꜘ taꜙ kwaˉ jwëˈ jä̱nˋ oˉhihꜙ. Lä̱ä̱ˋ jnäꜘ, jëëhꜘ hneˉ baˊ hi̱ˉ jmeeꜙ heˉ lluꜗ jmahꜗ.