Priljubljene svetopisemske vrstice iz Salmos 143

Deli

Miˊtë̱ë̱ˈ jnäꜘ mahꜗ jmeenˋ läꜙ hyohˉ hohꜘ hñaahꜗ, jëëhꜘ hneˉ la̱a̱hꜗ Dio kya̱a̱nꜙ. Jmɨˉlleꜘ lluꜗ kyahꜗ waˊ jä̱ä̱ˈ jnäꜘ mahꜗ nɨɨnˋ ko̱o̱ˉ dsooꜘ baˊ.

Taꜙlaꜙ tiih˜ miˊjnääˈ kinꜙ heˉ lluꜗ hohꜘ kya̱a̱hˊ jnäꜘ. Jëëhꜘ kyahꜗ hneˉ baˊ maˉchaˉ oˉjø̱hꜙ dsëˉ kinꜙ. Heehˋ jnäꜘ heeˉ jwëˈ ka̱nˋ, jëëhꜘ kyahꜗ baˊ hneˉ llaˉkya̱a̱nꜗ.

Hneˉ DSAˉJØ̱Ø̱Hˈ kya̱a̱nꜙ, lä̱ä̱ˋ jnäꜘ kihꜗ hi̱ˉ naˉhøøhˊ kinꜙ. Jëëhꜘ, kyahꜗ baˊ hneˉ chaˉ jeeˊ hmäähnˊ.

Kwaˊ jwëˈ jëë˜ gaˊ jnäꜘ jmɨˉgyʉʉꜙ DSAˉJØ̱Ø̱Hˈ kya̱a̱nꜙ mahꜗ jmeeꜗ dsaˉ jʉʉhˉ kyahꜗ. Läꜙlluꜗ heˉ miˉtehˋ juuˈ kyahꜗ, lle̱e̱ˋ jnäꜘ jeeˊ gyanˊ jëën˜ wɨɨꜘ.

DSAˉJØ̱Ø̱Hˈ kya̱a̱nꜙ, nʉʉˉ daˊ heˉ chu̱u̱nꜘ kya̱a̱hˊ hneˉ. Nʉʉˉ kihꜗ läꜙjëꜙ heˉ ngɨɨnˊ kyahˈ. Je̱e̱hˋ kinꜙ, hneˉ Dio kya̱a̱nꜙ, jëëhꜘ llu̱u̱hꜗ hneˉ goˉte˜ hiꜙ miˉtehˋ baˊ juuˈ kyahꜗ.

Je̱e̱hˋ kinꜙ naꜗko̱hꜘ DSAˉJØ̱Ø̱Hˈ kya̱a̱nꜙ, jëëhꜘ ngooꜗ gaꜙhwa̱a̱ꜘ mɨˈdsënꜙ. Taꜙ hmäähˋ kinꜙ mahꜗ saꜙ ju̱u̱nꜘ.

Dsooh˜ baˊ dsënꜙ haˉ läꜙ gaꜙlaꜗ lloꜘjooꜗ. Ngooꜗ baˊ jnäꜘ jmeenꜙ hʉʉˊdsëˉ kihꜗ läꜙjëꜙ heˉ gaꜙjmeehˊ.