Priljubljene svetopisemske vrstice iz Mikha 4

Deli

Tonkhe tive tikhonta tihloniphe bonkulunkulu bato, kodvwa tsine siyawukhonta Simakadze Nkulunkulu wetfu phakadze naphakadze.

Tive letinyenti tiyawufika titsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe. Ngobe umtsetfo uyawuphuma eSiyoni, livi laSimakadze liphume eJerusalema.”

Ngemalanga ekugcina intsaba yelithempeli laSimakadze iyawucina, ibe ngulephakeme kwendlula tonkhe tintsaba; iyawuphakanyiswa ibe ngetulu kwemagcuma, tive letinyenti tiyawubekelela tiye kuyo tingasakhawuli.

Uyakwehlulela emkhatsini wetive, acatulule imibango yetive letinemandla, edvute nakhashane. Tona-ke tiyawukhandza tinkemba tato, titente tibe ngemakhuba, tikhali tato tibe tikelo tekutsena tihlala. Sive singeke sihlasele lesinye ngenkemba, futsi tive tingeke tisaceceshelwa kulwa imphi.