Priljubljene svetopisemske vrstice iz Openboarunk 3

Deli

Kjikj, ekj sto ver de Däa un klopp aun. Wan wäa miene Stemm hieet un de Däa opmoakt, bie däm woa ekj nenn gonen un met am toop äten, un hee met mie.

Ekj weet om diene Woakjen, un daut du nich kolt uk nich heet best. Ekj wudd mie wenschen, daut du kolt ooda heet wieescht. Un wiels du leiwoam, un nich kolt ooda heet best, woa ekj die ut mien Mul rut spieen.

Wäm ekj goot sie, doo ekj trajchtwiesen un strofen. Nämt daut iernst un kjieet om!

Ekj weet om diene Woakjen. Kjikj, ekj hab ver die eene Däa opjemoakt, dee kjeena toomoaken kaun. Du hast mau weinich Krauft, hast mien Wuat jehoolen un die nich von mienen Nomen loosjesajcht.

De jewennende woa ekj met mie loten opp mienen Troon setten, jrod soo aus ekj jewonnen hab un nu bie mien Voda opp sien Troon sett.

Wiels du sajchst: Ekj sie rikj, hab vollopp un mie fält daut aun nuscht! Oba nich weetst, daut du een jaumalich oamet, miserobeljet, blinjet, noaktjet Wrak best.

Wiels du mien Befäl, jeduldich to bliewen, jehoolen hast, woa ekj die uk fa de Vesieekjungsstund bewoaren, dee äwa de gaunze Welt komen saul, aule Ieedbewona opp de Proow to stalen.

Ekj woa boolt komen. Hool daut, waut du hast, daut die kjeena de Kroon wajchnämen kaun!

Wakj opp, un stoakj daut äwaje, daut doa reed es to stoawen, wiels ekj hab noch nich jefungen, daut diene Woakjen nu aus foadich stonen ver mienem Gott.