Priljubljene svetopisemske vrstice iz Openboarunk 20

Deli

Un wan irjentwäm sien Nomen nich em Läwensbuak jeschräwen stunt, wort dee em Fiasee jeschmäten.

Un ekj sach de Doodes, kjlien un groot, ver Gott un dän Troon stonen, un doa worden Bieekja opjemoakt. Dan wort noch een Buak opjemoakt, un daut wia daut Läwensbuak. Un de Doodes worden doano jerecht, waut en dee Bieekja von äare Woakjen jeschräwen stunt.

Un daut Mäa jeef de Doodes rut, dee doabennen wieren, un de Doot un de Hal jeewen de Doodes rut, dee doabennen wieren, un jieda eena wort doano jerecht waut siene Woakjen jewast wieren. Un de Doot un sien Rikj worden em Fiasee nenn jeschmäten. Dit es de tweeda Doot.

Un ekj sach een grooten, witten Troon un dän, dee doabowen saut. Himmel un Ieed fluagen von am wajch un wieren nich mea to finjen.

Un wan dee 1.000 Joa äwa sent, woat de Soton ut siene Gruft rut un friejeloten woaren. Un hee woat en aule vea Rechtungen oppe Ieed gonen de Velkja to veleiden, un no Gog un Magog, dee tooptobrinjen to kjriejen. Äare Zol es soo aus de Saunt aum Mäa.