Priljubljene svetopisemske vrstice iz Openboarunk 10

Deli

oba daut dan, wan de säwenda Enjel siene Trompeet blosen woat, dan es Gott sien Jeheemnis krakjt soo utjefieet, aus hee to siene Deena, de Profeeten, jesajcht haud.

Un hee säd to mie: Du motst noch emol von väle Menschen, Velkja, Nazionen, Sproaken un Kjennichs profeetisch räden.

Un ekj sach noch een aundren jewaultjen Enjel vom Himmel rauf komen, met eene Wolkj jekjleet un een Räajenboagen äwa däm Kopp. Sien Jesecht wia aus de Sonn un siene Been aus fieeje Feilen.

Un ekj jinkj no dän Enjel un säd to am: Jeff mie daut kjliene Buak! Un hee säd to mie: Nemm daut un at daut opp! Daut woat die betta em Buck kjremmen, wan die daut em Mul uk woat seet aus Honnich sennen. Un ekj neem daut Buakje ut dän Enjel siene Haunt un schlukt daut opp, un em Mul wia daut seet aus Honnich, oba aus ekj daut oppjejäten haud, kjremd mie daut em Buck.