Priljubljene svetopisemske vrstice iz Galata 6

Deli

Well wie nich meed woaren goodet to doonen, wiels wan wie nich mootloos woaren, woa wie arnten, wan daut ieescht Tiet doatoo es.

Doawäajen sull wie, soo foaken aus wie Jeläajenheit haben, aun aule Menschen goodet doonen, un besondasch aun dee, dee met ons toop em Gloowen stonen.

Halpt eena däm aundren siene Laust droagen un doaderch doonen, waut Christus sien Jesaz velangt.

Ert junt nich! Gott lat sikj nich spotten. Waut een Mensch seit, woat hee uk arnten.

Wäa doa seit sien Fleesch to jefaulen, woat von däm Fleesch vedoawen arnten. Wäa oba seit dän Jeist to jefaulen, woat vom Jeist daut eewje Läwen arnten.

Breeda, wan jie emol wäm doabie trafen, daut hee sikj vesindicht, dan sell jie, dee jie jeistlich sent, däm frintlich un leeftolich trajchthalpen, un paust opp fa die selfst, daut du nich uk vesocht woascht.

Wiels, wan irjentwäa denkjt, daut et met am waut es, wan daut doch nuscht es, dee schmäat sikj selfst aun. Lot eenem jiedren sien ieejnet Woakj unjasieekjen, un seenen, auf hee doa waut finjt sikj to lowen, un sikj nich aun sienen Noba mäten. Wiels een jiedra woat siene ieejne Laust droagen motten.