Priljubljene svetopisemske vrstice iz Efeesa 4

Deli

Siet leewa von Hoaten leeftolich eena toom aundren. Vejäft junt unjarenaunda, soo aus Gott junt en Jesus Christus aules vejäft haft.

Siet bescheiden, frintlich un jeduldich. Habt soo väl Leew, daut jie junt unjarenaunda vedroagen.

Rät nuscht, waut dän näakjsten schoden kaun. Rät bloos daut, wuaderch dee jeholpen woaren, dee junt hieren.

Woat nich mea betta un fuchtich äwa eenaunda un vezoajcht junt nich. Hieet opp to schrieen un to beleidjen. Lot von soowaut nuscht mea sennen.

Wan jie junt oajren, dan sorcht soo, daut jie junt derch junen Oaja nich vesindjen, un veeenicht junt ea de Sonn unjajeit. Jäft däm beesen Fient kjeene Jeläajenheit.

Seet daut jie von däm oolen Mensch looskomen, dee junt soo läwen muak aus jie deeden, un dee sikj derch siene aunschmäarende Lost selfst en de Grunt brocht. Jie sellen derch dän Jeist vom Grunt opp en Seel un Senn, niee Menschen woaren, dee no Gott sienem Bilt en Jerajchtichkjeit un Heilichkjeit jeschaufen sent.

Siet emma doano ut, de Eenichkjeit em Jeist to bewoaren, wuaderch jie met eenaunda vebungen bliewen.

Siene Gowen wieren dise: Daut hee eenje aus Apostel, eenje aus Profeeten, eenje aus Evangelisten, eenje aus Hoad un eenje aus Lierasch aunstalen deed. Dit deed hee om aul Gott siene Kjinja toom Christendeenst reedtomoaken, wuaderch Christus sien Kjarpa (daut es de Jemeent) jebut woat, bat wie aula to eene Eenichkjeit em Gloowen un Erkjantnis aun Gott sienen Sän komen, daut wie volstendje Menschen en Christus sent, soo wiet daut Christus bie ons eent un aules es.

Wiels wie sellen nich lenja Kjinja sennen, dee sikj von veleidende Menschen äare Lieren aunschmäaren loten, un soo aus de Walen vom Wint han un häa jeschmäten woaren, derch äare Errlieren, wuamet see de Menschen veleiden. Wie motten en eenem leeftoljen Jeist de Woarheit vebreeden. Un wie motten en aules oppwaussen un Christus änlich woaren, dee ons Haupt es.