Priljubljene svetopisemske vrstice iz Kolossa 2

Deli

Soo aus jie dän Harn Christus Jesus aunjenomen haben, doano läft nu uk en am. Siet en am faustjewartelt un oppjebut un faust em Gloowen, soo aus jie jelieet sent. Un siet sea dankboa.

Seet doano, daut jie junt nich veleiden loten derch huage Rädensoaten wua nuscht doarhinja es, dee bloos von Menschen staumen ooda von de Jeistawelt, dee oba nich von Christus komen.

Jie wieren to eene Tiet jeistlich doot en june Sinden un en june fleeschelje Natua. Oba Gott haft junt derch Christus toom Läwen jebrocht. Hee haft ons aule Sinden vejäft. Hee haft dän Schultschien, dee met siene Fodrungen vom Jesaz häa jäajen ons stunt, derchjestrikjt un äwatsied jebrocht. Hee haft dän Schultschien aun daut Kjriez jenoagelt.

Daut es soo, en Christus wont aules waut Gott es gaunz werkjlich. Derch Christus hab jie daut volle Läwen, un hee steit äwa aule Jewaulten un Harschoften.

Lot junt nu von kjeenem daut Jewessen schwoa moaken doaräwa waut jie äten un drinkjen sellen, ooda woone Heljedoag jie hoolen sellen, ooda äwa Niemon un Sabat. Dit wieren aules mau Schautenbilda von daut waut noch komen sull. De Werkjlichkjeit es Christus selfst.