Priljubljene svetopisemske vrstice iz 2. Petrus 3

Deli

De Har vetrakjt sien Vespräakjen nich too lang, soo aus eenje meenen. Hee haft bloos Jedult met junt, wiels hee well, daut aulemaun sikj oppmoaken saul, un daut kjeena veloaren jeit.

Oba vejät dit eene nich, leewe Frind, daut een Dach bie onsen Harn nuscht aundasch es aus 1.000 Joa, un 1.000 Joa nuscht aundasch aus een Dach.

Oba waust en Jnod un aun Erkjantnis aun onsen Harn un Heilant Jesus Christus. Hee saul de Iea en aule Eewichkjeit haben! Amen.

Oba dän Harn sien Dach woat soo komen aus een Stäla en de Nacht. Dan woat et schrakjlich krachen, un de Himmel woaren oppjeleest woaren. Un doa woat soone Hett sennen, daut daut wuarut de Welt jemoakt es, veschmelten woat. Un de Ieed un waut doabowen es, woat en Flaumen oppgonen.

Wan dit om ons nu aula vegonen un oppjeleest woaren saul, sull jie junt dan nich bemieejen heilich un fromm to läwen, un doano luaren, daut Gott sien Dach komen mucht, un methalpen daut et boolt passieren kaun? Daut es de Dach wan Gott de Himmel woat en Braunt saten, un daut wuarut de Welt jemoakt es derch Hett veschmelten woat!