Priljubljene svetopisemske vrstice iz 1. Petrus 4

Deli

Äwa aules seet doano daut nuscht june Leew, eena toom aundren, stieren kaun, wiels “Leew dakjt väle Sinden too”.

Een jiedra saul siene Gow, dee hee jekjräajen haft, brucken dän näakjsten toom gooden to deenen, aus een Vewaulta, dee met Gott siene Jnodengowen tru omjeit.

Wan wäa rät, saul hee soo räden, aus wan hee Gott siene Wieed rät. Wäa doa deent, saul daut en dee Krauft doonen, wuamet Gott am vesorcht, soo daut Gott en aulem derch Jesus Christus jeloft woat, däm aule Macht un Harlichkjeit en Eewichkjeit jehieet. Amen

Wäa doawäajen lieden mott, wiels hee Christ es, brukt sikj nich schämen. Dankt Gott doafäa, daut jie Christen sent.

De Tiet es boolt hia, daut aules een Enj haft. Doawäajen mott jie waka sennen un kloa denkjen, daut jie bäden kjennen.

Leewe Frind, wan de Vesieekjungen derch dee jie gonen motten, uk fiaheet woaren, doawäajen seet daut nich soo aun aus wan junt waut butajeweeneljet passieet, daut es bloos om junen Gloowen opp de Proow to stalen. Freit junt leewa, wiels derch soone Vesieekjungen woa jie Christus siene Liedenspoatna. Un dan woa jie nohäa uk de Freid haben aun siene Harlichkjeit deeltonämen, dee dan verendach kjemt, wan Jesus komen woat.

Nämt jieren Jast opp, leewa aus grunsen wan dee komen.

Doawäajen sellen dee, dee no Gott sien Wellen lieden, doonen waut rajcht es, un äare Seelen däm aunvetruen, dee an jemoakt haft un tru es.

Wiels Christus em Fleesch jeläden haft, mott jie soo jesonnen sennen aus hee wia. Wäa em Fleesch lieden deit, jeft sikj met de Sind nich mea auf, soo daut jie june äwaje Läwestiet nich no june menschelje Liedenschoften läwen, oba soo aus Gott daut well.

Wan see doawäajen äwa junt schellen, daut jie Christen sent, daut es fa junt een Säajen; wiels daut meent, daut Gott sien Jeist ut de Harlichkjeit äwa junt rut.