Priljubljene svetopisemske vrstice iz 1. Johanes 4

Deli

Wie brucken ons nich ferchten fa eenen, dee ons werkjlich goot es. Soo aus hee ons rein goot es, moakt aule Angst en ons onneedich. Wäa sikj noch ferchten deit, en däm es dee Leew noch nich tussich jeworden, wiels ferchten deit eena sikj fa Strof.

Leewe Kjinja, jie sent von Gott un haft dee aul besiecht. Dee Jeist, dee en junt es, es jrata aus dee, dee en de Welt es.

Lot ons unjarenaunda goot sennen, wiels hee ons aul verhäa siene Leew jeschonken haft.

Leewe Frind, well wie ons unjarenaunda goot sennen, wiels Leew staumt von Gott. Wäa doa Leew haft, es von Gott jebuaren un kjant Gott.

Wäa nich Leew haft, kjant Gott nich, wiels Gott es ons goot.

Derch dit see wie, waut Leew werkjlich es. Daut wia nich onse Leew fa Gott. Daut wia siene Leew fa ons, daut hee ons sienen Sän schekjt, ons de Sinden auftonämen.

Leewe Frind, wan Gott ons soo goot es, dan sull wie ons uk unjarenaunda goot sennen.

Gott wees ons woo goot hee ons wia aus hee sienen eensjen Sän en de Welt schekjen deed, daut wie derch am läwen sellen.

Wan wäa sajcht, hee haft Leew fa Gott, un es sienen Brooda oba fientlich jesonnen, dee licht. Wäa sienen Brooda nich goot es, dän hee sitt, dee kaun Gott nich goot sennen, dän hee nich sitt.

Wäa daut bekjant, daut Jesus Gott sien Sän es, en däm blift Gott un hee en Gott.

Dit es waut hee ons jesajcht haft: Wäa Gott goot es, woat uk sienen Brooda goot sennen.

Leewe Frind, jleeft nich jiedrem Jeist, oba prooft de Jeista ut, auf dee von Gott sent. Doa sent väl faulsche Profeeten en dise Welt jekomen. Dit es wuaraun jie weeten kjennen, auf dee Jeist von Gott es: Jieda Jeist, dee doa bekjant, daut Jesus Christus aus Mensch von Fleesch un Bloot en dise Welt jekomen es, es von Gott.

Un jieda Jeist, dee daut nich bekjant, daut Jesus em Fleesch jekomen es, es nich von Gott. Dit es de Jeist, dee jäajen Christus es, von däm jie jehieet haben, daut dee komen woat un nu aul enne Welt es.