Priljubljene svetopisemske vrstice iz Teḛ-Raga 8

Deli

Nɛ mee ndəa’g neelé n’a kɔr kəm ɓee gə́ Gosen, loo gə́ dəwje lə neḛ d’isi keneŋ lé kunda gə kəmee ɓəd ndá lé neelé kəm mbàje d’a godo keneŋ mba kari gər ne gao to gə́ neḛ Njesigənea̰ lé n’isi mee ɓee’g neelé ya. N’a kunda kəm dəwje lə neḛ ɓəd ləm, n’a kunda kəm dəwje ləi ɓəd ləm tɔ. Nétɔji neelé a teḛ bèlè ya.

Njesigənea̰ ula Moyis pana: Ula Aaro̰ pana: Ula kag-tɔs gə́ to jii’g ndiŋ gə́ dɔ baaje’g ləm, dɔ kəm-rəw-manje’g ləma, gə dɔ duu-manje’g ləm tɔ gə mba kar kurkuduje tal gə́ mee ɓee gə́ Ejiptə.

Ndá njéra némɔrije lé d’ula Parao̰ pana: Yee neelé to ŋgaw ji Ala ya. Mee Parao̰ ndər aree udu mbia dɔ ta’g lə Moyis gə Aaro̰, gə goo ta gə́ Njesigənea̰ pa kédé lé tɔ.

Aaro̰ ula jia ndiŋ dɔ manje gə́ Ejiptə’g, ndá kurkuduje tal taa loo pəl-pəl mee ɓee gə́ Ejiptə.

Njesigənea̰ ula Moyis pana: Ḭta gə ndɔ rad, aw aar no̰ Parao̰’g, loo gə́ yeḛ a teḛ mba kaw ta baa’g lé ndá i a kulá pana: Njesigənea̰ pa bèe pana: Ya̰ dəwje lə neḛ ar dee d’aw d’aw pole neḛ.

Parao̰ pana: M’a kya̰ loo kar sí awje dɔdilaloo’g mba kinja nékinjanéməsje kar Ala lə sí gə́ Njesigənea̰ ya, nɛ loo gə́ a gə kawje ndá kaw ɓa seḭ a kawje loo gə́ əw el. Maji kar sí raje tamaji mbata ləm ya.