Priljubljene svetopisemske vrstice iz مَتَّى 23

Deli

وَ خَلِّي الْكَبِيرْ مِنْكُو يَخْدِمْ لَيْكُو مِثِلْ خَدَّامْكُو.

أَشَانْ أَيِّ نَادُمْ الْيِسَوِّي نَفْسَهْ كَبِيرْ، اللّٰهْ يِسَوِّيهْ صَغَيَّرْ وَ النَّادُمْ الْيِسَوِّي نَفْسَهْ صَغَيَّرْ، اللّٰهْ يِسَوِّيهْ كَبِيرْ.

«يَا الْعُلَمَاءْ وَ الْفَرِيزِيِّينْ، إِنْتُو مُنَافِقِينْ! الْعَذَابْ يَرْجَاكُو أَشَانْ إِنْتُو مُنْكَرِبِينْ فِي الْعُشُرْ لَحَدِّي تَنْطُوا لِلّٰهْ مِنْ النَّعْنَاعْ وَ الشَّمَارْ وَ الْكَمُّونْ. وَ لَاكِنْ إِنْتُو نِسِيتُوا مَا طَبَّقْتُوا الشُّرُوطْ الْكُبَارْ فِي التَّوْرَاةْ مِثِلْ الْعَدَالَةْ وَ الرَّحْمَةْ وَ الْأَمَانْ. أَوَّلْ شَيّءْ وَاجِبْ تِسَوُّوا الْأَشْيَاءْ الْكُبَارْ دَوْل وَ بَتَّانْ مَا تَنْسَوْا كَلَامْ الْعُشُورْ.

«يَا الْعُلَمَاءْ وَ الْفَرِيزِيِّينْ، إِنْتُو مُنَافِقِينْ! الْعَذَابْ يَرْجَاكُو أَشَانْ وَكِتْ تِلْوَضَّوْا، دَا يَبْقَى مِثِلْ تِغَسُّلُوا الْكَاسْ وَ الْكَوْرَوْ مِنْ بَرَّا لَاكِنْ فِي دَاخَلْ هُمَّنْ مَلَانِينْ تَكْ مِنْ خُمَامْ السِّرْقَةْ وَ مِنْ الطَّمَعْ.

«يَا مَدِينَةْ الْقُدُسْ! يَا مَدِينَةْ الْقُدُسْ! يَا كَتَّالِينْ الْأَنْبِيَاء! إِنْتُو التَّرْجُمُوا النَّاسْ الْاللّٰهْ يِرَسِّلْهُمْ لَيْكُو. كَمْ مَرَّةْ دَوَّرْت نِلِمّ عِيَالْكُو مِثِلْ جِدَادَةْ تِلِمّ عِيَالْهَا تِحِتْ جَنَاحَيْهَا. لَاكِنْ إِنْتُو أَبَيْتُوا.

بِمِثِلْ دَا، كُلَّ النَّاسْ يِشِيفُوكُو وَ يَحْسُبُوكُو صَالِحِينْ وَ لَاكِنْ فِي قُلُوبْكُو إِنْتُو مَلَانِينْ بِالنِّفَاقْ وَ بِالْفَسَالَةْ.