وَكِتْ النَّاسْ بَدَوْا يِزِيدُوا فِي الْأَرْض وَ وِلْدَوْا لَيْهُمْ بَنَاتْ، فِيَّهْ مَخْلُوقِينْ سَمَاوِيِّينْ وَ هُمَّنْ مِثِلْ النَّاسْ. وَ شَافَوْا بَنَاتْ النَّاسْ هِنَّ سَمْحَاتْ وَ عَزَّلَوْا مِنْهِنْ وَ شَالَوْهِنْ. وَ اللّٰهْ قَالْ: «رُوحِي مَا تَقْعُدْ دَايْماً فِي النَّاسْ أَشَانْ هُمَّنْ إِنْسَانْ. وَ فِي شَانْ دَا، عُمُرْهُمْ مَا يُفُوتْ 120 سَنَةْ.»
وَ فِي الْوَكِتْ دَاكْ، فِيَّهْ نَاسْ طُوَالْ وَ شُدَادْ فِي الْأَرْض. وَ فِي وَكِتْهُمْ، الْمَخْلُوقِينْ السَّمَاوِيِّينْ لَمَّوْا مَعَ بَنَاتْ النَّاسْ وَ هِنَّ وِلْدَنْ لَيْهُمْ عِيَالْ. وَ الْعِيَالْ دَوْل بِقَوْا نَاسْ فَحَلِينْ وَ أُسُمْهُمْ طَالِعْ فِي الزَّمَنْ دَاكْ.