Priljubljene svetopisemske vrstice iz تكوين 35

Deli

وَ الرَّبّ قَالْ لَيَّهْ: «أَنَا اللّٰهْ الْقَادِرْ. أَلْدَ وَ عِيَالَكْ يَبْقَوْا كَتِيرِينْ. أُمَّةْ وَ أُمَمْ كَتِيرِينْ يَمُرْقُوا مِنَّكْ وَ مِنْ صُلْبَكْ يَمُرْقُوا مُلُوكْ. وَ الْبَلَدْ الْأَنَا أَنْطَيْتهَا لِإِبْرَاهِيمْ وَ إِسْحَاقْ، نَنْطِيهَا لَيْك إِنْتَ وَ لِذُرِّيّتَكْ التَّجِي مِنْ بَعَدَكْ.»

قُمُّوا! نَمْشُوا بَيْت إِيلْ. وَ أَنَا نَبْنِي مَدْبَحْ لِلرَّبّ. هُو حَلَّانِي وَكِتْ أَنَا فِي الضِّيقَةْ وَ كَانْ مَعَايِ فِي دَرْبِي الْأَنَا مَشَيْت فَوْقَهْ.»

وَ قَالْ لَيَّهْ: «أُسْمَكْ يَعْقُوبْ وَ لَاكِنْ بَعَدْ الْيَوْم مَا يِنَادُوكْ يَعْقُوبْ. خَلِّي أُسْمَكْ يَبْقَى إِسْرَائِيلْ.» وَ بِمِثِلْ دَا، لِيَعْقُوبْ الرَّبّ سَمَّاهْ إِسْرَائِيلْ.

وَ يَعْقُوبْ قَالْ لِعَايِلْتَهْ وَ لِكُلَّ النَّاسْ الْقَاعِدِينْ مَعَايَهْ: «بَعُّدُوا مِنْكُو الْأَصْنَامْ الْأَجْنَبِيِّينْ وَ طَهُّرُوا قُلُوبْكُو وَ غَيَّرَوْا خُلْقَانْكُو.

وَ الرَّبّ قَالْ لِيَعْقُوبْ: «قُمّ أَمْشِي بَيْت إِيلْ. أَسْكُنْ هِنَاكْ وَ أَبْنِي مَدْبَحْ لَيِّ، أَنَا الرَّبّ الْبَيَّنْت نَفْسِي لَيْك وَكِتْ إِنْتَ مُعَرِّدْ مِنْ أَخُوكْ عِيسُو.»

وَ لَاكِنْ رَاحِيلْ قَرَّبَتْ تُمُوتْ. قَبُلْ مَوْتهَا، سَمَّتْ الْوِلَيْد دَا بَنْأُونِي (مَعَنَاتَهْ وِلَيْد حِزْنِي). وَ لَاكِنْ أَبُوهْ سَمَّاهْ بَنْيَامِينْ (مَعَنَاتَهْ وِلَيْد زَيْنَايْتِي).