Priljubljene svetopisemske vrstice iz تكوين 21

Deli

وَ اللّٰهْ فَكَّرْ لِسَارَةْ بِكَلَامْ الْقَالَهْ لَيْهَا وَ أَنْطَاهَا الشَّيّءْ الْهُو قَالَهْ.

وَ لَاكِنْ الرَّبّ سِمِعْ بَكِي هَنَا الْوِلَيْد. وَ مِنْ السَّمَاءْ، مَلَكْ اللّٰهْ نَادَاهَا لِهَاجَرْ وَ قَالْ لَيْهَا: «مَالْكِ، يَا هَاجَرْ؟ مَا تَخَافَيْ. الرَّبّ سِمِعْ بَكِي هَنَا الْوِلَيْد فِي الْبَكَانْ الْقَاعِدْ فَوْقَهْ. قُمِّي شِيلِي الْوِلَيْد وَ أَكُرْبِيهْ عَدِيلْ. أَشَانْ أَنَا نِسَوِّيهْ يَبْقَى أَبُو هَنَا أُمَّةْ كَبِيرَةْ.»

وَ الْوَكِتْ الْحَدَّدَهْ لَيْهَا الرَّبّ جَاءْ. وَ سَارَةْ بِقَتْ غَلْبَانَةْ وَ وِلْدَتْ وِلَيْد لِإِبْرَاهِيمْ وَكِتْ هُو شَيَّبْ خَلَاصْ.

وَ هِي قَالَتْ: «الرَّبّ ضَحَّكَانِي وَ أَيِّ نَادُمْ السِّمِعْ الْخَبَرْ دَا يَضْحَكْ مَعَايِ.»

وَ لَاكِنْ الرَّبّ قَالْ لِإِبْرَاهِيمْ: «خَلِّي الْكَلَامْ دَا مَا يَبْقَى لَيْك قَاسِي فِي شَانْ الْوِلَيْد وَ خَادْمَكْ. قَصِّدْ بِكُلَّ الْكَلَامْ السَّارَةْ تُقُولَهْ لَيْك أَشَانْ مِنْ إِسْحَاقْ بَسْ تَلْقَى ذُرِّيَّةْ الْبِنَادُوهَا بِأُسْمَكْ.

وَ كَنْ لِوِلَيْد هَنَا خَادْمَكْ، نِسَوِّي ذُرِّيّتَهْ تَبْقَى أُمَّةْ أَشَانْ هُو كُلَ وِلَيْدَكْ.»