Priljubljene svetopisemske vrstice iz خُروج 6

Deli

فِي شَانْ دَا، قُولْ لِبَنِي إِسْرَائِيلْ: ‹أَنَا اللّٰهْ. نَمْرُقْكُو مِنْ الْعُبُودِيَّةْ وَ نِنَجِّيكُو مِنْ الْخِدْمَةْ الْقَاسِيَةْ هَنَا الْمَصْرِيِّينْ. وَ نَفْدَاكُو بِدُرَاعْ قَوِي وَ بِعِقَابْ عَجِيبْ.

وَ تَبْقَوْا شَعَبِي وَ أَنَا نَبْقَى إِلٰـهْكُو. وَ فِي الْوَكِتْ دَا، تَعَرْفُوا كَدَرْ أَنَا بَسْ اللّٰهْ إِلٰـهْكُو الْمَرَقْتُكُو مِنْ الْعُبُودِيَّةْ هَنَا الْمَصْرِيِّينْ

وَ وَدَّيْتكُو فِي الْبَلَدْ الْحَلَفْت نَنْطِيهَا لِإِبْرَاهِيمْ وَ إِسْحَاقْ وَ يَعْقُوبْ وَ نَنْطِيهَا لَيْكُو إِنْتُو وَرَثَةْ. أَنَا بَسْ اللّٰهْ.›» وَ مُوسَى كَلَّمْ الْكَلَامْ دَا لِبَنِي إِسْرَائِيلْ. لَاكِنْ هُمَّنْ مَا سِمْعَوْا كَلَامَهْ أَشَانْ أَيَّسَوْا مِنْ شِدَّةْ الْخِدْمَةْ الْقَاسِيَةْ.

وَ اللّٰهْ قَالْ لِمُوسَى: «هَسَّعْ دَا، إِنْتَ تِشِيفْ الشَّيّءْ النِّسَوِّيهْ لِلْمَلِكْ! بِإِيدِي الشَّدِيدَةْ، نَجْبُرَهْ وَ يِخَلِّي بَنِي إِسْرَائِيلْ يَمُرْقُوا. وَ بِقُدُرْتِي الشَّدِيدَةْ، نَجْبُرَهْ وَ يَطْرُدْهُمْ مِنْ دَارَهْ.»