Priljubljene svetopisemske vrstice iz MRK 6

Deli

इंगा वाड वारनी आन्या, “मीर जंगल्लोंग शांत जागालोंग नंडा इंगा रवा आराम शेयना.” येनटीक की आंदु शेंगेम मंदी फोयेद वच्चेद शेयदुर इंगा वारकी तिनेदेंक पण वेळ शिक्काकुंदु.

इंगा येशुड वारनी आन्या, “संदेष्ट्यालदी सन्मान काद इल्ला लेद. फक्त वान नगरला, वान नातेवाईकलाला इंगा वान परिवारला वानदी सन्मान काद.”

येशुड कंटाम मिंदा दिगीनेन्का, वाड शेंगेम मंदीद गर्दी सुशा; वार मेपेतोड लेने मेंढऱ्याल लेका उंडीर, दिनिचांग वानकी वारदी दया वच्या; दानिचांग वाड वारकी शेंगेम माटला बद्दल नेरपेदेंक आंट्या.

काहीक बिमार मंदी मिंदा शेय फेट्टी वाड वारनी बागा शेशा, दिन शिवाय इंगोगोट यादुच चमत्कार वानकी आंदु शेयालेद. वार अविश्वास इचांग वारकी आश्चर्य वाटाशा. मंग येशुड नेरपका उळाउळाक तिरग्या.

येशुड आय्यीद रोट्याल इंगा रोंड मिल तिस्केन फैनिक स्वर्ग तीकुड सुशी, धन्यवाद इच्या इंगा रोट्याल तेंपी फंचेदेंक वान शिष्यल देगार इच्या इंगा मिलपण फंची इच्या. इंगा वार आंदार कडपु निंडा तिनीर. इंगा वार मिल्गीने तुकडाली बारा फुटकाल निंचकुनीर इंगा मिलाय पण तुकडाल येका फोईर.