Priljubljene svetopisemske vrstice iz Ree 3

wiels aula haben jesindicht un komen kort aun Gott siene Harlichkjeit un woaren onen Vedeenst jerajchtfoadicht ut siene Jnod, derch de Erleesunk, dee en Christus Jesus es

jrod de Jerajchtichkjeit von Gott, dee derch dän Gloowen von Jesus Christus kjemt, no aule un opp aul dee, waut jleewen; wiels doa es kjeen Unjascheet

dän Gott väajestalt haft to eene Veseenunk derch dän Gloowen aun sien Bloot, to een Bewiess fa siene Jerajchtichkjeit, wäajens daut Äwaseenen von de Sinden, waut verhäa begonen sent, unja Gott siene Jedult, om en dise Tiet siene Jerajchtichkjeit to bewiesen, soo daut Hee selfst jerajcht es un dän rajchtfoadicht, dee von däm Gloowen aun Jesus es.

wiels ut de Woakjen vom Jesaz kaun kjeen Fleesch ver Am jerajchtfoadicht woaren; wiels derch daut Jesaz kjemt Erkjantnis von Sind.

soo aus jeschräwen steit: “Doa es kjeena jerajcht, uk nich eena: Doa es kjeena, dee vestendich es; doa es kjeena, dee no Gott frajcht. See sent aula utjejleist un aulatoop ondaugboa jeworden; doa es kjeena, dee doa Goodet deit, uk nich eena.

Aulsoo hool wie daut doafäa, daut de Mensch derch dän Gloowen jerajchtfoadicht woat, onen de Woakjen vom Jesaz.

Niemols nich! Lot Gott woarhauftich sennen un aule Menschen Läajna; soo aus jeschräwen steit: “Om daut du jerajchtfoadicht befungen woascht en diene Wieed un dan jewennen kaust, wan du jerecht woascht.”