Priljubljene svetopisemske vrstice iz Yohana 15

Deli

Niye uwo mzabibu na mweye iyo makwamvi. Waja wokala mgati yangu, na niye mgati yao, wao wosang'hana mbuli nyingi ziyalonda Mulungu, manake bila niye mweye hamdaha kusang'hana chochose.

Kaleni mgati yangu kama vinikala mgati yenu. Kama vija kwamvi da mzabibu hadidaha kulela manhunda diiyeka kama hadikalile mdisina, ivija namweye hamdaha kusang'hana vija viyalonda Mulungu kama hamkala mgati yangu.

Mweye mwahakala mgati yangu, na usenga wangu uhakala mgati yenu, puleni jojose dimlonda na mweye mokwing'higwa.

Mweye hamnisagule niye, mbali niye niwasagule mweye na kuwalagiza mukasang'hane gaja goyolonda Mulungu, naizo sang'hano zokala mazua gose, ili jojose monda mumpule Tata kama vija vinilonda, yaweng'he.

Habule wende mkulu kubita wende wa munhu yolava ugima wake kwa mbuli ya mbwiga zake.

Chila kwamvi mmwangu dilekile kulela kodisegeza, na chila kwamvi dilela kodidahulila dilele ng'hani.

Ino iyo ndagizi yangu, mkale na wende, amala mkale na wende kama vinikalile na wende na mweye.

Baho Tati yangu kotogoligwa kama muhasang'hana mbuli nyingi ziyalonda Mungu na mweye mokua waluko wangu.

Amala Yesu kalonga, “Niye iyo mzabibu wa kweli, na Tati yangu iyo mlimi.

Munhu yoyose kama hakalile mgati yangu, kokwasigwa kunze kama kwamvi vijasigwa kunze mbaka donyala. Wanhu hudidondola kwamvi kama ijo na kujasa mmoto dilungule.

Niye niwalongeleni mbuli zino ili deng'helelo jangu dikale mgati yenu, na deng'ho jenu jenele.

Mwahazitegeleza ndagizi zangu, mokala muuwende wangu, kama na niye vinitegeleza ndagizi za Tati yangu na kukala muuwende wake.

Na ndagizi yangu iyo ino muwe na wende wenyego kwa wenyego.

Kama mwahawile wanhu wa isi ino, wanhu wa isi wahaweng'heni wende kama wanhu wao. Kwa vija mweye sio wanhu wa isi ino, mbali niye niwasagula kulawa muuisi ino, ino iyo mbuli ya wanhu wa isi kuwehila.