Priljubljene svetopisemske vrstice iz Matio 5

Deli

Ane nawunɔ kure uwɛ uronɔ ekon kɛ ɛtɔ dirạk ɔbaŋa ɛkpaŋ ubemɛ ekonɔyɛ iyɛ amɛ ikirɔn iyem kɛ etɔ; Asi aronɔnɛ ekon ayạŋ ikisi uwɛ uye ɛtɔ diduri duyama. nyɔi amɛ ekon yoyo uwɛ ɔtanɛ dirạk kɛ dure ane, sạŋ abɛ arɔn nfɔnɔ dotomɔ yoyo, aye asewo krewe dɛbad.

Abon ayạŋ dunɔnɛ da duyama ayerun ngun diduri. Donɔyɛ abɔi kɛ ikon dewe mạŋ akɛmɛ kurạba.

ꓛkɔndɔm uyạŋanɛ uyạŋ nɛ anebɛ akɔ nfɔnɔ dirami kɛ dɛkɔnduri; ane ubɛ akirɔn Ubasɛ jaiiǃ

ꓛkɔndɔm uyạŋanɛ uyạŋ nɛ anebɛ akɔ dɛkɔnduri uwɛ asạd bobɛ Ubasɛ ibunibɛŋ asạd; Ubasɛ ikiyebɛŋ bom nawunɔ abubunɔ kɛ ngunnɔyaǃ

Isai ntegɛwɛnɛ; sạŋ awu abam one iyɛrɛ yoyo, aŋanawɛ nfɔnɔ durim aye anebɛ asạriwɛ okpo ayinɛ.

<< ꓛkɔndɔm uyạŋanɛ uyạŋ nɛ onewɛ uyed iyɛ amɛ ibunɔ bom uwɛ uwu kɛ Ubasɛ; Ubasɛ ikisạdbɛŋ ayạŋa kɛbiaga kɛbɔdrɔ nɛ amɛǃ

ꓛkɔndɔm uyạŋanɛ uyạŋ uye anebɛ aŋani kɔkpama kakpom; Ubasɛ iki yedbɛŋ bɔŋbɛbɛǃ

ꓛkɔndɔm uyạŋanɛ uyạŋ nɛ anebɛ akomɔ ubian okpo ayinɛ abɛ asạri; Ubasɛ iki ŋanibɛŋ ɛkɔnǃ

ꓛkɔndɔm uyạŋanɛ uyạŋ uye anebɛ ane asạri okpo ayinɛ uwukan kɛ nfɔnɔ dɛmara anuŋi aye Ubasɛ; Abɛ akikɔmɔ kɛ biaga kɛbɔdrɔ nɛ Ubasɛ.

<<ꓛkɔndɔm uyạŋanɛ uyạŋ anebɛ akɔ ubian aye bembɔŋ ubɛbɛ ; Ubasɛ ikitobɛŋ ubian dirạkǃ

ꓛkɔndɔm uyạŋanɛ uyạŋ uye anebɛ ayạŋ datamajɛn, nɛ anebɛ asạri okpo ayinɛ, ayɔm chiem ayinɛ nɛ nfu anɛnɛmạŋ kɛ uwɛ arenɛ anebɛ ateri Ubasɛ ndam. Dɔm ɛkɔn naŋa kiniminim, ire kɔlɛnɛ yoyo uyạŋkɛ kɛ dewe dɛbadrayi. Ire nyɔi amɛ asạri anebɛ Ubasɛ iritogɔ uyemi chiemyɛyɛ okpo ayinɛ dirạk.

ꓛkɔndɔm uyạŋanɛ uyạŋ nɛ anebɛ atɔnɔ ɛkpa ubɛbɛ; akinugi nɛ Ubasɛ kɛ dɔchɛ isin uwɛ Ubasɛ ubodkɛǃ

Abon ayạŋ dunɔnɔ da inugɔ aye ngun diduri. Asi inugɔ ɔkana urɔm irikɔ, ɔkɔ da uwɛ asạd ɔkɔmɔkɛ urɔmɔyɛ isisi ɔkɔmɔ. inugɔ uwɛ iyem irinani, akinɔŋmạŋ aroŋɔ kɛ rɛbɔm ane ajɔgimạŋ nɛ nwun.

Awu akɔnɛ anebɛ akanawɛ One ɔbam kɔbam, ɛnɛ amɛ awu uwɛ ayạŋanɛ ibeigi da asewo iyạŋ.

Yerɛ iyɛ urenɛ <nyɔi> urebom ire nyɔi tek iyɛ nyɔi <ure> urebom ikana nyɔi ure. Durim urạk urạk kuji uwunɛ kɛ One iyinɛ.

Ekomɔ da ariyɔmɔ iyɛ, urenɛ <jɛn nɛ jɛn, > daraŋ nɛ daraŋ. Isai ŋemi barunɔnɛ anɛ; One nawunɔyɛ usạriwɛ bom iyinɛ, awu bom iyinɛ katogɔ arɛnɛ ayemạŋ. One nawunɔ ɔyɛmɛwɛ kibai kɛ mbem uwunɔ woŋɔ mbem uwaran ayemạŋ ɔkpɔgɔ ɔyɛm dirạk.

ayed iyɛ okpo arạk arạk jɛn yoyo ika koni usạri wɛnɛ agbiɛ kubi kubi nɛ Ubasɛ. Bemɛmạŋ kubi nawunɔ ɛrɔn okpobɛ yɔi. Asi akana akɛme abemɛ jɛn yoyo kokpobɛ, iya aki raŋi jɛn soso uwunɔ alawɔ atumɔ jɛn uwunɔ, ire inim jɛn uwunɔ kutogɔ ariɛ kɛ don Ubasɛ urugɔ ɛkpa diduri kutogɔ aragawɛ kekon. Urebom kurumbok yoyo isạdriwɛ agbiɛ Ubasɛ kubi kubi, soŋɔmạŋ alawɔ ire inim awu kɔnaŋiwɛ nɛ mbok kạm urugɔ awu kɛ ekon kuriɛ ɛkpa diduri.