Priljubljene svetopisemske vrstice iz Matiye 21

Deli

Da akwar fa pamara Gazlavay ŋga ndaw akwar fara fara na, cek masa akwar maa cəfɗamara daa medərey-daŋgay na, a vəldakwara la cəpa.»

Yesu a mbəɗdatara, a ləvtar: «Ya fa ləvkwar fara fara, da akwar fa pamara Gazlavay ŋga ndaw akwar fara fara, asaya, da akwar fa wulkam cew cew daa ba na, ka gwamara ŋga key cek anda yah ma ka ŋgada wudez keɗe daada ba, ama, kwa ka ləvmar ŋgada aŋgwa mahura keɗe: “Sləkɗey la feɗe, kəzley aa bəlay” na, a key la kəne.

Ndəhay fa diyam fa mey aŋga, leŋ fa dəɓa aŋga, ata tabiya fa wudam, a ləvam: «Hwazana! Həlmakwa Bəzey ŋga Davit! Anja Bay Gazlavay ŋga pəsar mey a ndaw masa aa ma slərdərwa ta mezəley aŋga. Həlmakwa Bay Gazlavay da vaɗ!»

Taʼ, a ləvtar: «Mawuzlalakaya daa ɗerewel ŋga Gazlavay, Gazlavay a ləvey: “Way aɗaw na, ara way amba ndəhay a dərmaya daŋgay da hwaɗ a.” Ama akwar na, ka tərdamara way a keɗe ŋga bədam ŋga mayal hay!»

«Ləvmatar a ndəhay daa berney ŋga Siyaŋw: nəkam dey, bay akwar fa sawa fa akwar. Ara ndaw meekweɗ-mey, aa da ray madi-zəŋgwaw, aa da ray babəza ŋga madi-zəŋgwaw aha.»

Yesu taʼ, aa guzltar, a ləvtar: «Akwar ta jaŋgamara mey mawuzlalakaya daa ɗerewel ŋga Gazlavay daa ba səlak daw? Mey masa ma ləvey: “Aŋgwa meləmey way masa ndəhay ma ləma way ma kəzlamara ta cakay na, aŋgwa ha na, ta tərey sem ŋga aŋgwa maaya ma fənta siya hay jak. Ŋgene na, ara Bay Gazlavay ma ka cek aha, ara cek maaya fa dey aləkwa.”»

Fa dəɓa ha, Yesu aa guzltar saya, a ləvey: «[Da ndaw a təɗey a ray aŋgwa aha na, ndaw aha a da ŋgərfey. Asaya da aŋgwa aha a kəzley a ray ndaw na, a ɗəga ndaw aha la kwəɗ-kwaɗ anda bebəɗes.] Ara maja keɗe, ya fa ləvkwar, akwar na, Bay Gazlavay fa da vəlkwar cəveɗ ŋga njey da wuzlah ndəhay aŋga hay daa ba. A da vəley cəveɗ na, si ŋgada ndəhay masa sləra ata ma mbafar.»