Priljubljene svetopisemske vrstice iz Juan 14

Deli

Naỹi 'ami seca'aaỹóna, qaláxasa na'chidáta da'me n'emáxac. Dójo' ỹ'imáxac 'ami sanema, qaláxasa sa 'ami sanema da' 'uootaxa sená'am da' 'éeta jen'me huetalégue jen' 'aléua da' 'uootaxa ỹan da' l'emáxac. 'Ena't qomle da' 'uo ga' tatapiilo naua' 'adai'lídii', qataxa sa 'au'óiỹi.

Qana'chi so' Jesús 'enapego' jeso'me, 'enaaco': —Jaỹim 'me na'chaỹim naq'aic, qataxa na'chaỹim 'eesa lasoxoc, qataxa na'chaỹim nec'alaxa. Qaỹa 'te laqáỹa nadíiuo da' qoỹinoxoneuó'o ñi' ỹit'a, na'chaỹiméta.

'Ena't qomle da' liitapiilo naua' 'adai'lídii'. Na'chidáta da' 'aup'íi'ỹa ñi' qan'étoqo't, nataq'en jaỹim.

Qaláxasa jega'me Espíritu Santo, 'me ñi' ỹit'a 'ami namaxalo qomle, naquétaaue qa'en da' ỹinaxat, qaidi 'ami lecochiỹalo qataxa 'ami ỹ'añaqte't, jega'me qomle 'ami ỹapaxaguenque ỹima na' lasoxocpi, qataxa 'ami ỹiinataxanaxanque ỹima jen'me ỹ'aqtacpi 'me 'ami sanoovlo.

Ga' ỹaỹáteet'eguet qataxa ỹalaxaguet na' ỹamaxasóxonaxacpi, jega'me di'ỹoq da' ỹátaqta 'eesa da' jaỹim ỹauotec. Qana'chi jiñi'me ỹit'a ỹauotec jega'me jaỹim ỹauotec, qataxa jaỹim nataq'en ỹátaqta sauotec jega'me, qataxa ñaloxóna.

Qana'chi jaỹim ñachoxodenot ñi' ỹit'a, da' qaidi 'ami namaxalo jega'me laqáỹa 'me 'ami lecochiỹalo qataxa 'ami ỹ'añaqte't, qaidi jega'me na'chi 'eeta't da' 'ami huetaavlo, jega'me nepaqal 'me ỹátaqta 'eesa. Jen'me siỹaxadipi 'me huetalégue jen' 'aléua, jen'me qomle sa ỹañoxot da' qoỹaconguet jega'me, qá'a sa ỹilá'a qataxa sa ỹaateton. 'Ami, qaamaxa 'auaatetoñii, qá'a 'ami huet'aita qataxa jega'me na'chi 'eeta't qomle da' 'ami huetaavlo.

Ỹima qomle jen'me 'aviỹáxañiỹaaque da' 'oviilégue da' ỹinaxat, qana'chi jaỹim sé'et, qaidi jen'me lec'óxot ñi' Dios ỹaloxon da' li'ỹoxodic ñi'me let'a. Qana'chi jaỹim sé'et qomle gamachaqaiga 'aviỹáxañiỹaaque da' 'oviilégue da' ỹinaxat.

Da' 'eesa da' jaỹim 'auauochíỹic, qana'chi 'aualaqailóo'te naua' ỹamaxasóxonaxaco.

Qá'a di' l'acháqa' ñi' ỹit'a ỹátaqta jalcote na' 'emecpi. Da' sa 'te 'éeta dójo', qana'chi sa 'ami táxa s'axátetapeema. Tadeeto' jaỹim sec, qaidi tetoqo' saqátaxata't ga' 'ad'acháqadii.

Qana'chi qomle ma'le ỹim da' sec da' saqátaxata't ga' 'ad'acháqadii, qana'chi ỹitaxa ñ'iỹílaq da' 'ami saue'j, qaidi 'ami na'chi 'eeta't da' jaỹim 'oviit'asop jega'me soná'ña.

Qana'chi 'enaaco' so' Tomás, 'eet'oi: —'Am ỹisaliaxanec, qo'mi sa saỹátenaq jega'me 'aiỹi; ¿huá'a toqo' da' sauanáxa ga' naq'aic?