Priljubljene svetopisemske vrstice iz Маттай 16

Deli

Соңрак Гайсә Үзенең шәкертләренә: – Минем арттан барырга теләгән кеше үз мәнфәгатьләреннән ваз кичсен һәм, хачын күтәреп, Миңа иярсен.

Шуның өчен Мин сиңа әйтәм: син – Петер, һәм бу кыяда Мин Үземә иман итүчеләр Бердәмлеген төзермен; аны үлеләр дөньясы җиңә алмас.

Мин сиңа Күкләр Патшалыгының ачкычларын тапшырырмын; җирдә син тыйганны күктә Аллаһы да тыяр, ә җирдә син рөхсәт иткәнне күктә Аллаһы да рөхсәт итәр.

Чөнки җанын саклап калырга теләгән кеше аны югалтыр, ә Минем хакка җанын югалткан кеше аны табар.

Әгәр кеше бөтен дөньяга ия була, әмма җанын харап итә икән, аңа моннан ни файда? Кеше нәрсә биреп җанын кайтара алыр икән?

– Ә сез Мине кем дип беләсез? – дип сорады Ул алардан. – Син – Мәсих, тере Зат булган Аллаһының Углы, – дип җавап бирде Шимун-Петер.

– Бәхетле кеше син, Яхъя углы Шимун, – диде аңа Гайсә, – чөнки сиңа моны кешеләр түгел, ә Күктәге Атам ачып бирде.