Priljubljene svetopisemske vrstice iz Blasi Sturka 41

Deli

Josep pana king fero ra win: —Baha tânka saki mai wiaia ba lika yang apia sika, sakuna Gâd mita baha tânka ba king ra param saki wibia, king ra yamnika kum kaia dukiara.

Bara king fero ai uplika nani ra naku makabi walan: —¿Yawan sip sa ki waitna wala nâra pliki sakaia naha waitnika na baku, Gâd Spiritka bri ba?

Bara king ba Josep ra tawi win: —Waitna kau âuya mâira sinskira, man wal baku ba wala nâra âpu sa, kan Gâd mita naha diara nani takaia ba tânka sut mamrikan. King watla wirhika na man puramra brima, yang tawanki uplika nani sut ba, man dîa daukaia wima ba bîlam walbia, yang baman kau puramra kamna, kan yang na king sna bamna.

Ai luhpia waitna ningka ba nina Efraín mâkan, baha tânka win ba sika: “Yang pât nani uya wauhri ba tasbaya ra, Gâd bui yang ra luhpi nani aikan bamna.”

Bara ai luhpia tawahkia ba nina Manasés mâkan, baha tânka win ba sika: “Yang pât nani uya wauhri ba, bara taiya nani ba sin sut lukaia katna ba, nanara Gâd mita baha sut âiya tikan.”