Priljubljene svetopisemske vrstice iz ရှင်လုကာ 13

Deli

ကိုယ်တော်က “သင်တို့သည် ကျဉ်းမြောင်းသည့်တံခါးပေါက်မှဝင်ရန် အစွမ်းကုန်ကြိုးစားကြလော့။ အကြောင်းမူကား လူများစွာတို့သည် ထိုတံခါးပေါက်ကို ဝင်ရန်ရှာဖွေကြသော်လည်း မဝင်နိုင်ကြဟု သင်တို့အား ငါဆိုမည်။

ထိုနေရာ၌ မကောင်းဆိုးဝါးပြုစားခံရ၍ တစ်ဆယ့်ရှစ်နှစ်ကြာ ခါးကုန်းပြီး တည့်မတ်စွာမရပ်နိုင်သော အမျိုးသမီးတစ်ဦးရှိနေ၏။ ကိုယ်တော်သည် ထိုအမျိုးသမီးကို မြင်လျှင် အထံတော်သို့ခေါ်၍ “အမျိုးသမီး၊ သင်သည် ယခုအချိန်မှစ၍ အကောင်းပကတိဖြစ်ပြီ” ဟူ၍ မိန့်တော်မူပြီးလျှင်၊

သူ၏လက်တော်ကို ထိုအမျိုးသမီးပေါ်၌ တင်တော်မူလိုက်သောအခါ ချက်ချင်းပင် သူမသည် ခါးဆန့်သွားသဖြင့် မတ်တပ်ရပ်လိုက်ပြီး ဘုရားရှင်၏ဂုဏ်တော်ကို ချီးမွမ်းလေ၏။

ယခုအချိန်၌ နောက်ဆုံးဖြစ်နေသောသူတို့သည် ရှေ့ဆုံးသို့ ရောက်ကြပြီး ယခုအချိန်၌ ရှေ့ဆုံးရောက်နေသူတို့သည် နောက်ဆုံးသို့ရောက်ကြရလိမ့်မည်” ဟုမိန့်တော်မူ၏။

အိမ်ရှင်သည် ထလာ၍ တံခါးကို ပိတ်လိုက်လျှင် သင်တို့သည် အပြင်ဘက်၌ရပ်၍ ‘ဆရာ၊ တံခါးကို ဖွင့်ပေးပါဦး’ ဟုပြောကြရလိမ့်မည်။ သို့သော်လည်း အိမ်ရှင်က သင်တို့အား ‘သင်တို့ကို ငါမသိ သို့မဟုတ် သင်တို့အဘယ်အရပ်က လာသည်ကို ငါမသိ’ ဟုဆိုလိမ့်မည်။

ထိုသို့မဟုတ်ပေ။ သင်တို့အား ငါဆိုသည်ကား သင်တို့အားလုံးသည်လည်း နောင်တသံဝေဂမရကြလျှင် ထိုနည်းတူပျက်စီးကြပေလိမ့်မည်” ဟုမိန့်တော်မူ၏။

အိမ်ရှင်က ‘သင်တို့အား ငါဆိုမည်၊ သင်တို့ကို ငါအမှန်ပင်မသိ သို့မဟုတ် သင်တို့အဘယ်အရပ်က လာသည်ကို ငါအမှန်ပင်မသိ။ ဆိုးသွမ်းသူတို့၊ ငါ့ထံမှ အဝေးသို့သွားကြလော့’ ဟုဆိုလိမ့်မည်။

ထို့နောက် ကိုယ်တော်က “ဘုရားရှင်၏သာသနာတော်သည် မည်သည့်အရာနှင့်တူသနည်း။ ၎င်းကို မည်သည့်အရာနှင့် ခိုင်းနှိုင်းပြရမည်နည်းဆိုလျှင် ၎င်းသည် မုန်ညင်းနက်စေ့နှင့်တူ၏။ လူတစ်ဦးသည် ထိုအစေ့ကိုယူ၍ ဥယျာဉ်ထဲ၌စိုက်ပျိုးသောအခါ ထိုအစေ့သည် အကိုင်းအခက်များပြည့်စုံသည့်အပင်ကြီး ဖြစ်လာကာ မိုးကောင်းကင်မှ ငှက်တို့သည်လည်း အသိုက်ဖွဲ့၍နေထိုင်နိုင်ကြ၏” ဟုမိန့်တော်မူ၏။