Priljubljene svetopisemske vrstice iz ရှင်လုကာ 11

Deli

ထို့ကြောင့် သင်တို့သည် မကောင်းသောသူများဖြစ်လျက်ပင် သင်တို့၏သားသမီးများအား ကောင်းသောအရာများကိုသာ ပေးရမည်ကိုသိကြလျှင် ရွှေမြို့တော်ရှိ အဖဘုရားရှင်သည် မိမိထံတောင်းလျှောက်သောသူများအား ဉာဏ်အလင်းတော်ကို သာ၍ပင်ပေးတော်မူလိမ့်မည်မဟုတ်လော” ဟုမိန့်တော်မူ၏။

ထို့ကြောင့် သင်တို့အား ငါဆိုသည်ကား တောင်းခံကြလော့၊ သင်တို့ရကြလိမ့်မည်။ ရှာကြလော့၊ သင်တို့တွေ့ကြလိမ့်မည်။ တံခါးကို ခေါက်ကြလော့၊ သင်တို့ကို ဖွင့်ပေးပါလိမ့်မည်။

အကြောင်းမူကား တောင်းသောသူတိုင်းသည် ရကြလိမ့်မည်။ ရှာသောသူတိုင်းသည် တွေ့ကြလိမ့်မည်။ တံခါးခေါက်သူတိုင်းကိုလည်း ဖွင့်ပေးလိမ့်မည်။

ထိုအခါ ကိုယ်တော်က “သင်တို့ဆုတောင်းကြသောအခါ ‘ရွှေမြို့တော်၌ရှိတော်မူသောအဖဘုရား၊ အဖဘုရား၏နာမတော်သည် ရိုသေလေးမြတ်ခြင်းခံရပါစေသော်။ သာသနာတော်ပေါ်ထွန်းပါစေသော်။

အကျွန်ုပ်တို့အပေါ် အပြစ်ဒုစရိုက်ကျူးလွန်သူအပေါင်းတို့ကို အကျွန်ုပ်တို့ ခွင့်လွှတ်သကဲ့သို့ အကျွန်ုပ်တို့၏အပြစ်ဒုစရိုက်တို့ကိုလည်း ခွင့်လွှတ်ပေးတော်မူပါ။ အကျွန်ုပ်တို့ အပြစ်ဒုစရိုက်ကျူးလွန်မိစေရန် ဖြားယောင်းသွေးဆောင်သမျှအရာတို့မှလည်း ကွယ်ကာပေးတော်မူပါ’ ဟုဆုတောင်းကြလော့” ဟုမိန့်တော်မူ၏။

အကျွန်ုပ်တို့အတွက် လိုအပ်သော အစာအဟာရကို နေ့ရက်စဉ်တိုင်း ပေးသနားတော်မူပါ။

သင်၏မျက်စိသည် ကိုယ်ခန္ဓာ၏မီးအိမ်သဖွယ်ဖြစ်၏။ သင်၏မျက်စိကောင်းသောအခါ သင်၏ကိုယ်ခန္ဓာတစ်ခုလုံးသည်လည်း အလင်းရောင်ရနေလိမ့်မည်။ သို့သော် မျက်စိမကောင်းသောအခါ သင်၏ကိုယ်ခန္ဓာသည်လည်း မှောင်မိုက်နေလိမ့်မည်။

တဖန် ကိုယ်တော်က “ဆီမီးထွန်းညှိထားသည့် မီးအိမ်ကို ကွယ်ရာ၌ထားသောသူ၊ သို့မဟုတ် တောင်းအောက်၌ ဖုံးဝှက်ထားသောသူဟူ၍မရှိ။ ထိုအစား အိမ်ထဲသို့ ဝင်သောသူတိုင်း အလင်းရောင်ရစေရန် မီးအိမ်ကို မီးတိုင်တွင်သာ ချိတ်ဆွဲထားတတ်ကြ၏။