Priljubljene svetopisemske vrstice iz Ma-thi-ơ 7

Deli

Xang likau, mưca bihu; xang dwah, mưca gōk; xang papoh, baƀang mưca pơh ka khol hư.

Kaywa phak thei likau yơ bihu, thei dwah yơ gōk; thong thei papoh, yơ mưca baƀang bihu pơh.

“Yau nan, thei pang panôic Ita thong ngak tui yơ drơh yau tha urang jag karag, darap thang drei ngok tathar patau.

Ywa nan ka, pathar pathar kabha haget khol hư ưng mưnuix urang ngak ka drei, xang ngak kabha nan ka khol nhu, kaywa sani nạn hakum jakar thong panôic hôr.

Dok baƀang xit thong jalan ganik ba nao tal gruk diup, mưnuix dwah bihu yơ takik.”

Xang tamư baƀang ganik, kaywa baƀang lavah thong jalan lanưng lanôi ba nao tal gruk thubang, urang tamư tak nan ka ralô.

Yau nan mưyah khol hư takrung nạn mưnuix jhak, dok thau brei ka anưk drei dôm kaya siam, laic haget Amư khol hư ngok thôr riga gilaic ôh brei dôm kaya siam ka dôm mưnuix likau di Bhô ô?

“Jôi jamrah thei, piêh ka khol hư klah di gok jamrah. Kaywa khol hư jamrah mưnuix urang yau halei yơ khol hư lijang mưca gok jamrah yau nan, khol hư hakak ka mưnuix urang nưm halei yơ khol hư lijang mưca gok hakak vơk nưm nan.

Dok thei pang panôic Ita, min ôh ngak tui, yơ drơh yau mưnuix gila gilit darap thang ngok cwah.

Habar khol hư ƀôh tahla dalam mưta dei ai, bloh gilaic ôh ƀôh gai nư dalam mưta drei? Habar hư hu mưda đôm thong dei ai: ‘Lôi ka dahlak mưk tahla truh di mưta xaai,’ dalam tuk gai nư jang dok dalam mưta drei?

“Xang caga dôm hôr baniai, nạn dôm ra twak ao pabo mưrai thong khol hư, min gah dalam nạn mưnưng athau thing bhian kek hak. Khol hư krưn thau khol nhu nhơ di bingu boh khol nhu. Hu thei pek boh nho di libik rôm darôi, ngan pek boh hara libik rôm darôi nhal habiên?

Yau nan, phun siam yơ pajiơng boh siam; dok phun jhak yơ pajiơng boh jhak.

Phun siam ôh mưda pajiơng boh jhak, dok phun jhak lijang ôh pajiơng boh siam bihu.

Pathar pathar phun halei ôh pajiơng boh siam, yơ gok koh thong parah tamư apui.