Priljubljene svetopisemske vrstice iz ማቶሳ ምሽራቹዋ 5

Deli

ጾምፕያ ጾምፒደ፥ ሶይን ደእያ አሳ ኡባዉ ፖአና ማላ፥ ቂያ ሳን ዎፐ አትን፥ ካምያ ሚሻ ግዶን ቁምእ ዎያ አሳይ ኦንነ ባዋ። ሄዋዳንካ፥ አሳይ ህንተ ኦያ ሎኦ ኦሱዋ በኢደ፥ ሳሉዋን ደእያ ህንተ አዉዋ ቦንቻና ማላ፥ ህንተ ፖኡ አሳ ስንን ፖኦ።

“ሀ አላመዉ ህንተ ፖኦ፤ ደርያ ሁጲያን ኬጸቴዳ ካታማይ ጌማና ዳንዳየና።

ዎዛና ጌሻቱ አንጀቴዳዋንታ፤ አያዉ ጎፐ፥ ኡንቱንቱ ጾሳ በአና።

ጽሎተ ኮሻትያዋንቱነ ሳመትያዋንቱ፥ አንጀቴዳዋንታ፤ አያዉ ጎፐ፥ ጾሳይ ኡንቱንታ ካልሳና።

ሽን ታን ህንተዉ ያጋይ፤ ሳሉዋን ደእያ ህንተ አዎ ናና ግዳና ማላ፥ ህንተ ሞርከቱዋ ሲቅተ፤ ህንተና ሸቂያዋንታ አንጅተ፤ ህንተና እጽያዋንቶ ሎኦባ ኦተ፤ ህንተና የደርስያዋንቶ፥ ጾሳ ዎስተ፤ አያዉ ጎፐ፥ ኢታ አሳዉካ ሎኦ አሳዉካ ጾሳይ ባረ አዋ አዋጽሴ፤ ቃይ ጽላቶካ ናጋራንቻቶካ ባረ እራ ቡክሴ።

“ባረንቱ አያና ደኡዋን፥ ህዬሳ ግዴዳዋ ኤርያዋንቱ አንጀቴዳዋንታ፤ አያዉ ጎፐ፥ ሳሉዋ ካዉተይ ኡንቱንቱሳ።

አሳ ስገያዋንቱ አንጀቴዳዋንታ፤ አያዉ ጎፐ፥ ጾሳይ ኡንቱንታ፥ ባረ ናና ጊደ ጼሳና።

ካዮትያዋንቱ አንጀቴዳዋንታ፤ አያዉ ጎፐ፥ ጾሳይ ኡንቱንታ ምንሳና።

ጽሎተ ድራዉ፥ የደርሰትያዋንቱ አንጀቴዳዋንታ፤ አያዉ ጎፐ፥ ሳሉዋ ካዉተይ ኡንቱንቱሳ።

ማርያዋንቱ አንጀቴዳዋንታ፤ አያዉ ጎፐ፥ ጾሳይ ኡንቱንታ ማራና።

“ህንተ ታና ካልያ ድራዉ፥ አሳይ ህንተና ቦርያ ዎደነ ዋይስያ ዎደ፥ ቃይ ህንተ ቦላ ኢታባ ኡባ ዎርዱዋን ሃሳይያ ዎደ፥ ህንተ አንጀቴዳዋንታ። ህንተዉ ሳሉዋን ዎልቃማ ዎይታይ ደእያ ድራዉ፥ ናሸትተ፤ ሀሹ ጊተ፤ አያዉ ጎፐ፥ አሳይ ህንተፐ ካሰ ደኤዳ ናባቱዋ ሄዋዳን የደርሴድኖ።

አሽከ ግዴዳዋንቱ አንጀቴዳዋንታ፤ አያዉ ጎፐ፥ ኡንቱንቱ ሳኣ ላታና።

“አሳ ኡባዉ ህንተ ማጽነ ማላ፤ ሽን ማጽኒ ማልአና ዮፐ፥ ዛሪደ አ ዎት ማልኤኔ? ካረ ኦልና፥ አሳይ አ የ ሀመታናፐ አትን፥ ስንዉ አይነ ማደና።

ሄዋ ድራዉ፥ ሳሉዋን ደእያ ህንተ አዉ ፖሎ ግዶዋዳን፥ ህንተካ ፖሎ ግድተ።

ሽን ህንተ፥ ‘ኤ’ ዎይ፥ ‘ግደና’ ጊተ፤ ሀዋንቱፐ ሀራይ ሴጻናፐ ዬ።

“ ‘አይፍያ ድራዉ አይፍያ፤ አቻ ድራዉ አቻ’ ጌዳዋ ስሴድታ። ሽን ታን ህንተዉ ያጋይ፤ ‘ህንተዉ ኢታባ ኦያ ኡራዉ ኢታን ዛሮፕተ፤ ኦንነ ነ ኡሸቻ ባጋ ሻይያ ባቆፐ፥ ነ ሀድርሳ ባጋ ሻይያካ አ በሳ፤

ነ ኡሸቻ አይፊ ኔና ናጋራ ኦስሶፐ፥ ኔፐ ዎጫደ ኦላ አጋ፤ አያዉ ጎፐ፥ ነ ቦላይ ሙለካ ጋናምያ ታማን ኦለትያዋፐ፥ አፐ እቱ ፓጭንቶ ነዉ ሎአ። ቃይ ነ ኡሸቻ ኩሺ ኔና ናጋራ ኦስሶፐ፥ ኔፐ ቃንጻደ ኦላ አጋ፤ አያዉ ጎፐ፥ ነ ቦላይ ሙለካ ጋናምያ ታማን ኦለትያዋፐ፥ አፐ እቱ ፓጭንቶ ነዉ ሎአ።