Priljubljene svetopisemske vrstice iz ماتّا 13

Deli

والاينّي امود لّي‑يضرن غ‑واكال ءيفولكين، ءيگا نتّا زوند يان ءيسفلدن ءي‑واوال ءيفهم‑ت، ءيفك صّابت. را‑ييلي ما‑يفكان ميّا، ييلي ما‑يفكان سضيص ءيد‑مراو، ييلي ما‑يفكان كراض ءيد‑مراو.»

ءيمّا امود لّي‑يضرن غ‑وزگُّار، ءيگا نتّا زوند يان ءيسفلدن ءي‑واوال، والاينّي ءيدّا ياسي تيغوفيوين ن‑دّونيت ءيلهو س‑وايدا. غايان ا‑يشّقاجّين اوال ايلّيغ ءور‑د‑ييوي صّابت.

امود لّي‑يضرن غ‑وغاراس، ءيگا نتّا زوند يان ءيسفلدن ءي‑واوال ن‑تگلديت ن‑يگنّا ءور‑ت‑يفهيم. ياشك‑يد ءيبليس ءيكّيس‑اس اوال لّي‑يلّان غ‑يخف‑نس.

ءيمّا امود لّي‑يضرن غ‑گر ءيژران، ءيگا نتّا زوند يان ءيسفلدن ءي‑واوال يامژ‑ت حاينا ءيفرح سرس، والاينّي ءور‑يكشيم‑واوال‑ان س‑وول‑نس. ءيقاما غير كرا ن‑ووسّان ارد تيلي تاسّاست نغد تارفوفنت ف‑سّيبت ن‑واوال س‑يكنوكي.

«تاگلديت ن‑يگنّا تگا زوند لكنز ءيتياومضالن غ‑يگر، ياف‑ت‑ين يان‑ورگاز ءيحضو‑ت‑داغ. ءيدّو ءيفرح باهرا، ءيزّنز كولّو ما‑دارس‑يلّان، ءيسغ ءيگر‑ان.

ءيضر‑ن كرا غ‑واكال ءيفولكين ءيفك صّابت. ءيفك يان ميّا، ءيفك يان سضيص ءيد‑مراو، ءيفك يان كراض ءيد‑مراو.

ادجات‑تن اد‑كولّو‑مقّورن ارد تروح‑تمگرا. غاكودان راد‑ينيغ ءي‑يشوّالن: سّمونات‑زوار وازكّون تگم‑ت د‑تاگُّاتين باش ا‑يجدر، تزايدم ءيلمّا تمگرم ءيردن تسّمونم‑تن‑د غ‑وحانو‑نو.› »