Priljubljene svetopisemske vrstice iz Иоан 19

Deli

Винасӧ видлӧм бӧрын Исус шуис: «Ставсӧ вӧчӧма!» Сэсся нёровтіс юрсӧ да лэдзис ловсӧ.

Исус тӧдіс, мый ставсӧ нин вӧчӧма. Сійӧ шуис: «Горшӧй косьмӧ». Тадзи иніс Гижӧдыс.

Мамсӧ да сыкӧд сулалысь муса велӧдчысьсӧ аддзигӧн Исус шуис мамыслы: «Аньӧй, тайӧ тэнад пиыд». Сэсся велӧдчысьыслы шуис: «Тайӧ тэнад мамыд». Сэксянь тайӧ велӧдчысьыс босьтіс Марияӧс ас дінас.

Исус дінӧ матыстчӧм бӧрын найӧ аддзисны, мый Сійӧ кулӧма нин. Та вӧсна кокчӧр лыяссӧ Сылысь эз чегъявны. Шыпуртаяс пиысь ӧти бытшкис Исуслы шынас ордлы костас, сэтысь чепӧсйис вир да ва.

Ставыс лои Гижӧдыс серти: «Сылысь лысӧ оз ло чегъялӧма». Мӧдлаын тшӧтш гижӧма: «Найӧ видзӧдласны Сы вылӧ, кодӧс бытшкисны».

Крестсӧ нуигтыр Исус кайис Юр лы нима керӧсӧ, еврей ногӧн Голгопа керӧсӧ.

Шыпуртаяс пуктісны Исуслы юрас лежнӧгысь кыӧм юркытш, пасьтӧдісны Сійӧс пемыдгӧрд паськӧмӧ