Priljubljene svetopisemske vrstice iz Олӧм 32

Deli

Мӧдыс шуис: «Ӧнісянь тэнад нимыд оз ло Яков, а Израиль, ӧд тэ вермасин Енкӧд да йӧзкӧд, и вермин».

Сэсся шуис Яковлы: «Лэдз Менӧ, ӧд кыа нин петӧ». Яков шуис: «Ог лэдз, кытчӧдз он бурси менӧ».

Яков кольччис ӧтнас. Войнас Кодкӧ локтіс да кыа петтӧдз вермасис Яковкӧд.

Яков шуис: «Аслам синмӧн Енмӧс аддзылі и ловйӧн коли». Та вӧсна нимтіс тайӧ местасӧ Пенуэлӧн.

Кор аддзис, мый оз вермы Яковӧс, вартіс сылы лядьвеяс. Тадзи вермасигас дойдіс Яковлысь лядьвей сӧнсӧ.

Мӧдыс юаліс: «Мый тэнад нимыд?» «Яков», – вочавидзис Яков.

Яков шуис: «Висьтав Ассьыд нимтӧ!» Сійӧ вочавидзис: «Мыйла тэ юасян Менсьым нимӧс? [Сійӧ шензьӧдана.]» Сэсся бурсиис Яковӧс сэні.

Тэнад буралӧмыд ыджыд, Тэ уна бурсӧ вӧчин меным, Аслад кесйӧглы. Ме ог сулав та доныс! Йӧрдан ю вуджигӧн менам вӧлі сӧмын бедь, а ӧні, бӧрсӧ локтігӧн, меным ковмис ыджыд овмӧсӧс кык пельӧ юкны.

Израиль войтыр ӧнӧдз оз сёйны лядьвей сӧнсӧ, ӧд Вермасьысь вартіс сэтчӧ Яковлы.

Яков кевмысис: «Господьӧй, Ӧвраам батьлӧн Ен да Исаак батьлӧн Ен! Тэ тшӧктін меным бергӧдчыны аслам муӧ, аслам чужанінӧ, и кӧсйысин бур вӧчны меным.

Мезды менӧ Исав вокысь! Ме пола, мый сійӧ локтас да виас менӧ, виас тшӧтш менсьым челядьӧс мамъясыскӧд.