Priljubljene svetopisemske vrstice iz Петӧм 15

Deli

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Господь – менам выныс да сьыланкывйыс, Сійӧ мездіс менӧ. Сійӧ – менам Ен, ме нимӧда Сійӧс, Сійӧ – батьӧйлӧн Ен, медвылӧ кыпӧда Сійӧс.

Господьӧй, енъяс пӧвстын Тэ кодьыс абу! Тэ кодь мӧдыс абу! Аслад вежалуннад Тэ нималан, Тэ – повзьӧдана да ошкана, вӧчан шензьӧданаторъяс.

Аслад буралӧмнад Тэ нуӧдін войтыртӧ, кодӧс Тэ мездін, Аслад вынӧн Тэ нуӧдан найӧс вежа оланінад.

Воисны Мараӧ, но сэні васӧ курыд вӧснаыс юны эз шогмы. Та вӧсна и нимтӧмаӧсь местасӧ Мараӧн. Войтырыс кутіс шуасьны Мӧисей вылӧ: «Кытысь миянлы юнысӧ?» Мӧисей шыасис Господь дінӧ. Господь индіс сылы путор. Тайӧ путорсӧ сійӧ шыбитіс ваӧ, и ваыс лои юмов. Мараын Енмыс сетіс войтырыслы индӧд-тшӧктӧмъяс, сэні тӧдмаліс найӧс.