Priljubljene svetopisemske vrstice iz Петӧм 12

Deli

Дзик тайӧ войӧ Ме муна Египет муӧд да виа тайӧ муысь быд медводдза чужысьӧс йӧз пӧвстысь и ыж-мӧс пӧвстысь. Тадзи Ме мыжда египетса став енсӧ, ӧд Ме – Господь. Тіян керкаясын паснас лоӧ вир. Ме аддза вирсӧ да бокиті муна. Ме мыжда Египет му, но тіянӧс бырӧдӧмыс оз су.

Тайӧ луныс Господьлы сиӧм гаж. Казьтылӧмӧн пасйӧй сійӧс. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

И кор тіян челядьныд юаласны, мыйла ті тадзи вӧчанныд, вочавидзӧй налы: Господьлы тайӧ ыджыдлунся вись. Господь кор виаліс египетсаясӧс, Сійӧ муніс Израиль войтырлӧн керкаяс бокиті да ловйӧн колис миянлысь котыръясӧс». Тайӧс кылӧм бӧрын Израиль войтыр муӧдзыс копыртчӧмӧн юрбитіс Господьлы.