Priljubljene svetopisemske vrstice iz Байбихьи 15

Deli

Ибрам БЕТӀЕРГЬАНАСДА божана ва гьелдалъун БетӀергьанасда бихьана гьев Жиндие ритӀухъав чи вукӀин.

Гьелдаса хадуб, илгьам лъугьун, Ибрамида БЕТӀЕРГЬАНАС гьадин абуна: «Мун хӀинкъуге, Ибрам, Дун дуе хъалхъанлъун вукӀина, Дуе щвезе бугеб шапакъат цӀакъ кӀудияб буго».

КъватӀивеги вачун, Гьес Ибрамида абуна: «Зодихъе валагье ва дол цӀваби рикӀкӀе, гьел рикӀкӀине духъа бажарулеб батани!» Цинги БетӀергьанас абуна: «ГьедигӀанги гӀемер рукӀина дур наслаби!» – ян.

Амма БЕТӀЕРГЬАНАСДАСАН гьадинаб калима рещтӀана Ибрамие: «Гьев вукӀине гьечӀо дур ирсилавлъун, дурго хьоналдасан лъугьина дуе ирсилав!»

Ва БетӀергьанас гьесда абуна: «Дуда лъан букӀа, ункънусго соналъ дур наслабаз чияр ракьалда лагълъиялдаги зулмуялдаги гъоркь яшав гьабизе буго.

Ибрамица абуна: «Я дир ХӀалкӀолев БЕТӀЕРГЬАН, щиб Дуца дие кьелеб, лъимерго гьечӀев чиясе? Дир ирсилавлъунги гьав Дамаскалдаса Элиезер вукӀина».

Гьеб къоялъ БЕТӀЕРГЬАНАС Ибрамилгун КъотӀи гьабуна: «Дур наслабазе кьолеб буго Дица гьаб ракь, Мисриялъул лъарахъа бахъараб кӀудияб Ефрат гӀурухъе щвезегӀан

Дудасан лъугьарал наслабазул ункъабилеб кьер тӀадбуссина гьанибе, амориязул мунагьазул гьир жеги букӀине кколеб роцаде бахун гьечӀелъулха».