Priljubljene svetopisemske vrstice iz Чапарзабазул ишал 2

Deli

Пётрица гьезда абуна: – Нуж кантӀе ва нужерго мунагьал чуризе, МасихӀ ГӀисал цӀар рехсон, щивав чи лъадалъ ччун вахъизаве, ва сайигъатлъун Илагьияб РухӀ рещтӀина нужехъе.

Гьелдаса хадуб гьел гӀадамал тӀадчӀун гӀенеккулаан чапарзабазул малъа-хъваязухъ, цоцазулгун хурхен-рухьен гьабулаан, жидедаго гьоркьоб бекун чед бикьулаан ва какал ралаан.

Илагьияб РухӀалъ цӀуна гьел киналго ва, РухӀалъ хӀалкӀолъи кьун, цогидал мацӀазда кӀалъазе лъугьана.

Гьале цойидасан зобалазда бахъана гьалагаб гьорол гӀадаб гьаракь, ва гьал жанир рукӀараб рокъоб багъана гьеб. Гьезда бихьана цӀадул мацӀал гӀадинаб жо боржанхъулеб, цинги бикь-бикьун ун гьазул щивасда тӀад рещтӀана гьел цӀадул мацӀал. Илагьияб РухӀалъ цӀуна гьел киналго ва, РухӀалъ хӀалкӀолъи кьун, цогидал мацӀазда кӀалъазе лъугьана.

Щибаб къоялъ цоцазулгун ракълида Мукъадасаб Рокъоре хьвадиялда тӀадчӀана гьел. Жидерго рокъоб бекун чед бикьулаан, ракӀ разиго ва ракӀ бащадго цадахъ кваналаан. Гьез Аллагьасе рецц гьабулеб букӀана, халкъалъе гьелги рокьулел рукӀана. Аллагьас щибаб къоялъ гьезул агьлуялда гьоркьоре лъугьинарулел рукӀана хвасарлъарал гӀадамал.

«Аллагьас абулеб буго: Ахирзаман тӀаде щведал, гьадин букӀина – Дир РухӀалъул хӀалкӀолъи чвахизабила дица щибаб рижиялда тӀаде. Нужер бихьиназдеги руччабаздеги рещтӀина Аллагьасул рагӀи, нужер гӀолохъабазухъе гьеб илгьамалдалъун щвела, нужер херазухъе гьеб макьилъ бихьун щвела.

Киналго муъминзабаз магӀишат дандбана. Хур-мулк бичулаан, гьелъухъ щвараб гӀарацги бикьулаан гьелде хӀажалъи кканщиназе.

Ва БетӀергьанасул цӀар рехсаравщинав чи хвасарлъила».

Бакъул гордо бецӀлъила, моцӀ биялде сверила. Гьеб лъугьина БетӀергьанасул кӀудияб ва гвангъараб къо тӀаде щвелалде.