Priljubljene svetopisemske vrstice iz Римын улӥсьёслы 6

Deli

Уго сьӧлык вае кулон-бырон, нош Инмарлэн кузьымез пумтэм вапумъёсы Кузё-Инмармы Иисус Христос бордын улон луэ.

Сьӧлык тӥледын кузёяськыса медаз улы. Тӥ уго закон улын ӧвӧл, тӥ Инмарлэн гажан-жалянэз улын улӥськоды.

Озьы асьмеос пылатон пыр Соин ӵош кулӥмы но Соин ӵош асьмеды ватӥмы. Кызьы Христос Инмар Атайлэн пиштӥсь данлыкезлэн кужыменыз кулэмысь улӟыса султӥз, озьы ик табере асьмеос но выльдӥськем улонтӥ ветлыны мед быгатомы.

Мугордылэсь одӥгзэ но люкетсэ шонертэм улонлэн киулаз сьӧлыканы эн сётэ. Нош асьтэдыз, кулэмысь улӟемъёсты кадь, Инмарлы сётэ. Мугор люкетъёстэс но шонерлыко улонлэн киулаз сётэ Инмарлы ужан-тыршон понна.

Тодӥськомы сое: сьӧлыко лулмугормылэн кужымез мед быроз но асьмеос сьӧлыклэн ляльчиосыз медам ни луэ шуыса, вужмем вашкала адями луонмы Соин ӵош кортӵогаськыса кулӥз-быриз.

Озьы ик тӥ но асьтэдыз сьӧлык басьтонлы кулэмын шуыса лыдъялэ, нош Кузё-Инмармы Иисус Христос бордын Инмар понна улэп шуыса.

Мар бен вераломы? Гажан-жалян мед йылоз шуыса, оло, асьмелы сьӧлыкаса ик улоно-а? Уг, нокызьы но уг яра. Асьмеос сьӧлыклы кулӥмы. Кызьы нош со пушкын асьмеос азьланяз но улыны быгатомы шат?

Оло, тӥ уд тодӥське, кызьы тӥ асьтэдыз кинлэн ке но киулаз ляльчие сётӥськоды но, зэм ик, соку тӥ ляльчи луиськоды солы, кинлы тэрытскиськоды. Яке соку тӥ кулонэ нуись сьӧлыклэн ляльчиосыз луиськоды, яке шонер улонэ нуись тэрытскыса улонлэн ляльчиосыз?

Азьвыл тӥ сьӧлыклэн ляльчиосыз вал. Инмарлы тау, табере вань сюлмыныды сыӵе дышетонлы тэрытскиськоды, кудӥз кие тӥ сётэмын. Сьӧлыклэн ляльчиез луонлэсь тӥ мозмытэмын, шонер улонлэн ляльчиосыз табере тӥ луиды.