Priljubljene svetopisemske vrstice iz Римын улӥсьёслы 11

Deli

Уго ваньмыз Со бордысь, Со пыр, Со понна. Солы пумтэм вапумъёсы дан! Аминь.

Э, Инмарлэн тодонэзлэн, визьлыкезлэн пыдэстэм узырлыкез! Валаны луонтэмесь Солэн судъёсыз, эскерыны луонтэмесь Солэн сюресъёсыз!

Кузё-Инмарлэсь визьзэ тодыны кин быгатӥз ни? Яке кин Солэн визь-кенеш сётъясез вал?

Инмарлэн гажан-жалянэныз та дыръёсы но быръем люкет возиське на. Инмарлэн гажан-жалянэз пыр ке, соку ужъёсъя ӧвӧл; малы ке шуоно соку ини гажан-жалян дугдэ гажан-жалян луэмысь. Нош ужъёсъя ке, со гажан-жалян ӧвӧл ни, уго соку уж но уж ӧвӧл ни.

Улвайёс пӧлысь куд-огзэ чигыса уськытылӥзы но тонэ, ас эркад будӥсь кыр вӧйпуэз, соос интые лякизы ке, соку тон, лякиськем улвай, вӧйпулэн выжыеныз но солэн сокеныз вожектыса сылӥськод. Чигтылэм улвайёс азьын астэ вылӥе эн пукты. Астэ вылӥе пуктӥськод ке, соку тодад вай: тон выжыез уд возиськы, выжы тонэ возе.