Priljubljene svetopisemske vrstice iz Римын улӥсьёслы 1

Deli

Иисус Христос сярысь Ӟеч Иворез тодытыны мон уг возьдаськиськы, уго со Инмарлэн кужымез луэ. Со вань оскись муртъёсты уте, нырысь ик, иудейёсты, собере – мукетъёссэ калыкъёсты но.

Евангелиын Инмарлэн шонерлыкез осконысь осконэ усьтӥське. Гожтэмын уго: «Шонер улӥсь оскон пыр улэп улоз».

Дуннеез кылдытэм дырысен туннэ нуналозь Солэсь ужъёссэ чакласа-эскерыса адӟыны луэ синмын адӟыны луонтэм макеоссэ – Солэсь пумтэм вапумъёс улӥсь кужымзэ но Инмар луонзэ, соин ик соослэн асьсэзыз шонере поттэмзы уг луы.

Инмар луонзэ тодыса вылысь Сое Инмарез кадь ӧз данъялэ, тау но ӧз каре, нош визьмынызы укылтэммизы, валасьтэм-нодтэм сюлэмзы сьӧдэкмиз.

Инмар зэмлыклэсь палэнэ кожыса, соос ӧрекчи ужъёс пала берытскизы. Пумтэм вапумъёс ӵоже зэм ик данъяно Кылдытӥсьлы интые, кылдытэм макеослы йыбыртъяны, ужаны кутскизы.

Инмысен Инмарлэн вожпотонэз зэмлыкез ёртыса-ӝикатыса возись адямиослэн котькуд сьӧлыксылы, лек ужзылы пумит ваське.

Соин ик Инмар соосты возьдаськоно юрӟым кулэ каронъёс кие сётӥз. Соослэн кышномуртъёссы кышномуртъёсын ик азон-калгон сьӧлыке пырылӥзы. Со выллем ик пиосмуртъёссы но. Кышномуртэз кулэ каронлэсь палэнтӥськыса, огзы вылэ огзылэн мылкыдзы лӧптылӥз: пиосмуртъёс пиосмурт вылын юрӟым азон сьӧлык лэсьто. Асьсэлэн йыромем ужзы понна соослы пачылаз пунэм берыктӥське. Инмарез визьмынызы тодэмзы потымтэ понна Инмар соосты йырчукин берытскем визьзылэн киулаз сётӥз. Соин ик соос лэсьто сое, мае лэсьтыны уг яра.

Асьсэды визьмоесь шуо вал, нош асьсэос визьзэс ыштӥзы. Бырисьтэм Инмарлэсь пиштӥсь данлыксэ соос сисьмыса бырись адямилэн, тылобурдоослэн, ньыль пыдын ветлӥсьёслэн, нюж кыстӥськисьёслэн тусбуйзылы укшась сульдэръёслы-идолъёслы йыбыртъянэн воштӥзы.