Priljubljene svetopisemske vrstice iz Улон-вылон 28

Deli

Тани Мон тонэныд; кытчы гинэ уд мыны, Мон тонэ котькытысен но утё; Аслэсьтым верамме быдэсто, та музъеме Мон тонэ берыкто, огнадэ уг кельты».

Отын, солэн вылӥяз, Кузё-Инмар сылэ но шуэ: «Мон – Кузё-Инмар, тынад атаедлэн Авраамлэн Инмарез, Исааклэн Инмарез; [эн кышка]. Мон тыныд но, тынад выжыедлы но та музъемез, али кыллён интыдэ но сёто.

Иаков иземысь султэм бераз шуиз: «Зэмзэ но, та интыын Кузё-Инмар улэ, нош мон ӧй тоды!»

Иаков кыл сётыса шуиз: «Инмар [Кузё-Инмар] монэн луиз ке, та мыноно сюрес вылам Со монэ утиз ке, сиыны нянь сётӥз ке, дӥсяны дӥськут сётӥз ке, мон каньылэн атаелэн корказ берытски ке, соку Кузё-Инмар мынам Инмаре луоз, – соку та синпелет (памятник) карыса пуктэм изэ [мон понна] Инмар корка луоз; нош Тон, Инмаре, мар гинэ мыным уд сётӥськы, со пӧлысь дасэтӥ люкетсэ Тыныд сёто».

Тынад выжыед музъем вылысь луо мында луоз, зарезь пала но, шундыӝужан пала но, уйпала но, лымшор пала но тон вӧлмод; тон пыр, тынад кидысэд пыр музъем вылысь вань калыкъёс бакель каремын луозы.

Иаков та интылы Вефиль ним сётӥз, та городлэн азьвыл нимыз Луз вал.