Priljubljene svetopisemske vrstice iz 1 Петр 3

Deli

Асьтэлэн сюлмады Инмарез Кузё-Инмарез сӥё-дано возе. Оскиськонды пумысен котькудӥзлы кылдэс юасьлы востэмен, гажась мылкыдын ответ сётыны котьку но дась луэ. Сюлэмды чылкыт мед луоз, тӥледыз йыруж лэсьтӥсьёсты кадь урод кылъёсын верамзы понна Христос бордын чылкыт улэмдэс сантэмасьёс возьытэ вуттэмын мед луозы шуыса.

Уго Кузё-Инмарлэн синмыз шонер улӥсьёс шоры учке; Солэн пельыз – вӧсяськемзы палан, нош Кузё-Инмарлэн ымнырыз уродэз лэсьтӥсьёслы пумит берытскемын (соосты музъем вылысь быдтон понна).

Тӥляд чеберъяськонды вылласянь медаз луы – йырси пунон, зарни арбериосты ошылонъёс, кильтрес дӥськут. Адямилэн сюлэм пушказ бырытэк мед улоз зӥбыт, востэм дух: тӥни мар дуно Инмар азьын.

Уго, кин улонэз яратэ но ӟеч нуналъёсты адӟемез ке потэ, кылзэ уродлэсь мед кутоз, ымзэ кескич вераськонъёслэсь мед утёз. Уродлэсь мед палэнскоз но ӟеч уж мед лэсьтоз; тупаса улонэз мед утчалоз но со пала кариськыны мед тыршоз.

Озьыен, ваньды тӥ одӥг малпанэн, гажаса-жаляса, ог-огдэс яратыса, лякыт сямо луыса, зӥбыт-востэм визьмын улэлэ. Уродлы пумит уродэн яке керетонлы пумит керетыса пунэмзэ эн берыктэ. Нош тӥ, эшшо ке, бакель каре, тодэ: со понна уго тӥ ӧтемын, – бакель каронэз басьтыны.

Ӟеч лэсьтыны тыршисьёс ке тӥ луиды, кин тӥледлы уродзэ лэсьтоз?

Уродлэсь мед палэнскоз но ӟеч уж мед лэсьтоз; тупаса улонэз мед утчалоз но со пала кариськыны мед тыршоз.

Уго, Инмарлэн эрикезлы ярамон ке, урод ужъёс лэсьтыса курадӟон сярысь, ӟеч ужъёс понна, эсьмаса, мед курадӟод.