Priljubljene svetopisemske vrstice iz मर्‌कुस 13

Deli

निङइ ङाकाय बिस्‍वास जाह्‍ङोझ्‍यान्‍ते जुदा मान्‍तालमइ निङकाय हेला जाह्‍ङ्‍तेनय। तर यदि निङ लयको रुवाङको अन्‍तिम समयसम्‍म ङाकहाङ बिस्‍वासिलो स्‍याउति मुतेनय त खेया, निङखे दल्‍लेतेनय।”

ओउतझ्‍यान्‍ते होसियार स्‍याउति मुन, र प्राथना जाह्‍ङ्‍नु, धइतिदाह्‍य्‌सा ओउ समय गल वाङ्‍ना त दाह्‍यो कुरा निङइ चिःतेनिलि।

तर जब मान्‍तालमइ निङकाय पक्रति अदालतहाङ आःल्‌तेनय, द्‍याह लयकाय दल्‍ताक्‍साको लागि दोह नोःसा त दाह्‍य्‌ति जुगाङमा लिह्‍लाम। ओउबेलाहाङ परमेस्‍वरइ निङकाय दोह तोसास्‍याउना ओउले नोःन, धइतिदाह्‍य्‌सा ओउ बेलाहाङ निङइ लयको मनको कुरा नोःतेइलि, तर पबित्र ग्‍वालाम निङ दुवारा नोःसास्‍याउलेना।

फेलबाङ र ल्‍हाउदयबाङ अलप्‍ति ज्‍याल्‍लेना, तर ङाको आखर गलमा अलप्‌लेल।”

“ङा मान्‍ताको चोः द्‍याह्‍न्‌ति वाङ्‍साखेओ दिन र समय सुइमा चिःसा खाइनिलि, न लाङकादुतलमइ चिःनानि, न ङा लयइले चिःनाङ। ओउ कुरापाय ङाको लाङका आपाइ मात्र चिःसास्‍याउना।

अनि जब निङइ युद्‍ध र कायकायो कुराको बारेहाङ खबर साइतेनानि, निङ रइलाम! ओउतताह्‍ङो घतनालमखे स्‍याउसाले परना, तर ओउच्‍युक खेरलेखे सङ्‍सारको अन्‍तिम स्‍याउलेल।

ओउतझ्‍यान्‍ते होसियार स्‍याउति मुन, धइतिदाह्‍य्‌सा ङा, किमको मालिक गल द्‍याह्‍न्‌ति वाङ्‍नाङ त दाह्‍यो कुरा निङइ चिःतेनिलि। ङा राह्‍म, अथबा ल्‍हाक-याह्‌दिङ, अथबा बिहान, अथबा न्‍यामथोङखामा द्‍याह्‍न्‌ति पाह्‍य्‌ति वाङ्‍सा खाइनाङ। अचानक ङा द्‍याह्‍न्‌ति वाङ्‍तोकहाङ, ङाइ निङकाय एःन्‌तिमुओ क्रुस्‍सा परजेलाम। ङाइ निङकाय तोओ कुरा अरु जुदा चेलालमकायमा तोलेनाङ— होसियार स्‍याउति मुन।”

जातिको बिरोतहाङ जाति, र राज्‍यको बिरोतहाङ राज्‍य चिङलेनय। ल्‍हाउदयबाङको नाःतो थाउहाङ ल्‍याङलम आल्‍लेना, र अनिकाललम स्‍याउलेना। इ जुदा थोकलमखे मोम्‍चो आमाइ बालाख नाःसा लागधार्‌ना सुरुको दुख लेखा मात्र खेना।

तर सङ्‍सारको अन्‍तिम स्‍याउसासय ङ्‍हाखे, जुदा मान्‍तालमकाय परमेस्‍वरको पेओ खबर प्रचार जाह्‍ङ्‍सा परलेना।

धइतिदाह्‍य्‌सा नाःतो मान्‍तालम ङाको मय्‍ङ लेःति ‘ङाले ख्रिस्‍त खेनाङ’ त दाह्‍य्‌ति वाङ्‍नय, र ओउमयइ नाःतो मान्‍तालमकाय धोका बइलेनानि।

जब एतताह्‍ङो घतनालम स्‍याउसा फाःङ्‌नउ, निङ होसियार स्‍याउन। निङकाय मान्‍तालमइ पक्रति अदालतहाङ आःल्‌तेनय र सभाकिमलमहाङ घान्‍तेनय। निङ ङाको मान्‍ता स्‍यावोझ्‍यान्‍ते, मान्‍तालमइ निङकाय सासकलम र राजालमको ङ्‍हा आःल्‌ति चिङताक्‍तेनय। अनि ओउ समयखे ओउमयकाय ङाको बारेहाङ तोसाकाय निङको लागि मउका स्‍याउलेना।

धइतिदाह्‍य्‌सा स्‍याताहा ख्रिस्‍तलम र स्‍याताहा अगमबक्‍तालम थालेनय, र ओउमयइ ग्‍याह्‍ङ्‌सिओ चिनो र कामलम जाह्‍ङ्‍लेनानि। अनि ओउमयइ खाइच्‍युकसम्‍म परमेस्‍वरको छ्‍युह्‍ङो बिसेस मान्‍तालमकायमा धोका बइलेनानि।

“ओउ दुख-कस्‍तको समयलम लोन्‍हे, ‘न्‍याम च्‍याक्‍तो स्‍याउलेना, र लाह्‌इ थोङो बइलेउलु। फेलबाङसय कारालम ग्‍लेलेनय, र फेलबाङको जिःङकालि थोकलममा माहा रइसितो रिह्‍ङ्‍लेनय।’